Profê Dîroka Hemdem ê Misiirê Mohamed Refaat cerebeyên xwe yên li ser avakirina netewe dewletê parve kir. Mohamed Refaat ewil slavên xwe yên taybet ji Rêberê Gelê Kurd Abdullah Ocalan re şand û anî ziman ku çareserî Rêveberiya Xweser e.
Konferansa Navneteweyî ya Aştî û Civaka Demokratîk a DEM Partiyê li Navenda Çandê ya Cem Karaca ya Stenbolê di roja duyemîn de berdewam dike. Di konferansê de Profesorê dîroka hemdem ê Misirê Mohammed Refaat ewil silavên xwe yên taybet ji Rêberê Gelê Kurd Abdullah Ocalan re şand û got: “Ez di serî de slavên xwe yên taybet ji Ocalan re dişînim. Min pişti banga Rêberê Gelê Kurd Abdullah Ocalan a 27ê sibatê li ser mijara Civaka Demokratîk û Aştiyê dest bi dayîna wêneyê kir. Niha xwendekarekî min li ser Abdullah Ocalan tezê amade dike.”
Kurdan her tim xwe parastiye
Prof. Mohamed Refaat anî ziman ku Kurdan li ser Rojhilata Navîn cihekî nû vekirine û wiha got: “Çiya mifteya hebûna gelê Kurd e. Çiya bi serhildanên Kurdan tê nasîn. Kurdan piştî împaratoriya Medan destilatiya xwe ya siyasî winda kirine û xwe li ciyê parastine. Kurd ne xwedî parastina navendî bûne ye. Ji êrîşê zêdetir rastî êrîşan hatine. Her tim li dijî êrîşan li ser axa xwe, xwe parastine.”
Tirk piştî 1071ê ketin Anatolê
Prof. Mohamed Refaat da zanîn ku Tirk pişti 1071an li Şerê Milezgirtê ketine Anatoliya û bi Kurdan re li ser vê axê jiyane û wiha axivî: “Piştî Tirkên sûnî hatin Anatoliyê Kurd û Tirk kirine Osmanî. Kurdan kengî mafê xwe xwestin, Osmaniyan her tim ew wekî dijmin pênase kirin. Osmanî ji bo Kurdan tepeser bikin begîtiyên li Silêmaniyê û Botanê ji holê rakirin. Xwestin hebûna dewleta Kurdan di dergûşa wê e bifetisînin. Ji bo serdestiya Kurdan pêş nekeve hêzên navdewletî di navbera Stenbol, Longdar û Tahranê de tifaq xurt kirin. Bi kongreya Erziromê 24 begên Kurdan bi xwe ve girêdan. Serhildanên Kurdan ji ber tifaqên dijber ên navdewletî têk çûn. Kurdan di sedsala 19emîn de di navbera Pers, Sasanî û Osmaniyan de nasnameya xwe parastin.”
‘Tifaqa Kurd û Tirkan qedereke civakî ye’
Prof. Mohamed Refaat da zanîn ku li gorî Rêberê Gelê Kurd Abdullah Ocalan çareserî Rêveberiya Xweser û Demokratîk e û wiha bi dawî kir: “Tifaqa Kurd û Tirkan ji aliyêsiyasî zêdetir di aliyê civakî de qedereke hevpar e. Piştî Peymana Lozanê dewleta Tirk Kurd înkar kirin û modela netew dewletê parast. Vê modelê yekperestî pêş xist û kûr kir. Bi peymana Lozanê têkiliya kurd û tirkan xera bû. Vê pergala Netew Dewletê polîtîkaya înkar û îmhayê zêde kir. Li gorî Ocalan, çareserî Rêveberiya Xweser a ku xwe dispêre Komara Demokratîk û Civaka Demokratîk e.
