Parêzvanên taxên Şêxmeqsûd û Eşrefiyê berovajî îdiayên hikûmeta demkî û medyaya Tirkiyeyê li taxên xwe ne û bi coşeke mezin taxên xwe diparêzin. Parêzvanekî taxa Şêxmeqsûd distire û dibêje “Em bernadin Helebê.”
Êrîşên çeteyên hikûmeta demkî ya Şamê û Tirkiyeyê piştgiriya wan dikin li ser taxên Şêxmeqsûd û Eşrefiyê didomînin. Medyaya hikûmeta Şamê û Tirkiyeyê jî di weşanên xwe de îdia dike ku tax tên vala kirin. Lê berovajî îdiayên medyaya Şamê û Tirkiyeyê li taxan berxwedana Hezên Ewlekariya Hundirîn a li Helebê didome. Parêzvanên taxê bi stranan û coşeke mezin taxên xwe diparêzin. Parêzvanekî taxê bi strana, “Em bernadin Helebê” biryardariya berxwedana taxê nişan dide.
