Gelê Kurd li gelek kolanên Zurîh ên Swîsreyê li dijî êrişên ku li Rojava têne kirin daketine kolanan û polîsên wir jî weke yên Tirkiyeyê ji çalakiya gel re dibin asteng û nahêlin gel çalakî li dar bixin.
Li bajarê Zurîhê yê Swîsreyê jî gelê Kurd ji saet 6an ve li gelek kolanên bajêr daketine ser piyan. Asayîşa bajêr weke gelek bajarên Kurdistan û Tirkiyeyê gel dane sekinandin û ji çalakiya wan re astengî derdixin. Ji bo gel çalakî li dar nexin êrişên li ser gel têne kirin. Niha gel li qada ‘Helvetiaplatz’ rûniştiye û bi wî awayî çalakiya xwe didomîne. Her wiha polîsan li derdora girseya ku li kombûye hemû xistine binê dorpêçê. Tevî hemû astengiyên polîsan jî dîsa gel li wir bibiryar e. Di heman demê de girseya ku li wir rûniştiye bang li hemû Ewropa dikin ku her kes rabin ser piyan û li rojavayê Kurdistanê bibin xwedî.
Girseya ku li wir kombibûn dirûşmeyên “Bijî Serok Apo”, “Bijî YPG bijî HSD”, “Terorîs Colanî” û “Bijî berxwedana Rojava” ber kirin.
Di dawiya çalakiyê de Hevseroka Civaka Demokratîk a Kurdistaniyên li Swîsre Dîlan Çetînkaya bal kişand ser êrîşen Rojavayê Kurdistanê û banga xwedî derketina li destkeftiyên kurdan kir.
