Li dijî êrişên ser Rojava dê sibe li Qoserê meş were lidarxistin. Ji bo meşê, amadekarî berdewam dikin û banga tevlibûnê hat kirin.
Li dijî êrişên ser Rojavayê Kurdistanê dê sibe li navçeya Qoserê ya Mêrdînê bi pêşengtiya Platforma Saziyên Demokratîk meşeke girseyî were lidarxistin. Platformê, têkildarî meşê daxuyanî da û got ku dê sibe saet di 13.30an de bi ruhê seferberiya neteweyî li Qada Azadiyê kom bibin. Hevseroka Giştî ya DBPê Çîgdem Kiliçgun Uçar jî dê tev li meşê bibe. Welatiyên Qoserê, ji bo meşê kolan bi kolan geriyan û banga tevlibûnê li gel kir. Welatiyan got: “Gelê Kurd divê li her derê bi ruhê seferberiyê ji bo Rojava dengê xwe bilind bike.”
