DAKP û Înîsiyatîfa Jinan bal kişandin ser polîtîkayên şer ên Îsraîlê yên siyonîst û gotin: “Divê Ambargo deynin ser Îsraîlê.”
Înisiyatîfa Jinan a Pêdiviya Min bi Aştiyê Heye û Platforma Jinan a Dîcle Amedê (DAKP) li pêşiya Mizgefta Mezin a Amedê daxuyanî dan. Jinan pankarta “Têkoşîna me, bi jinên Filîstînî yên li dijî qirkirin û dagirkeriyê li ber xwe didin re hevpar e. Divê ambargoyê deynin ser Îsraîlê” hate vekirin. Di daxuyaniyê de gelek caran dirûşmên “Jin jiyan azadî”, “Ji jinên li Filistînê li ber xwe didin re hezar silav” û “Îsraîla siyonîst dê hesabê bide” berz kirin. Daxuyanî ji hêla Çagla Sanay ve hate xwendin.
‘Tu mekanîzmayên alîkariyê yên jinan nînin’
Çagla Sanay destnîşan kir ku ew ji ber polîtîkayên ên şer ên Îsraîlê li 17 bajaran li ser piya ne û xwest hemû têkiliyên bazirganiyê yên bi Îsraîlê re werin bidawîkirin. Çagla Sanay bimbîr xist ku li Filîstînê hezaran mirov jiyana xwe ji dest dan, hezaran birîndar bûn û wiha dirêjî da axaftina xwe: “Ji bo jinên Filîstînî yên ji ber şer mexdûr bûne, jinên ku pêdiviyên wan bi bijîşkan hene, jinên ducanî, jinên pêdiviya wan bi alavên paqijiyê hene nikarin xwe bigihijînin tu mekanîzmayan. Divê ambargoyê deynin ser Îsraîlê.”
‘Ne şermezar kirin piştevaniyê bikin’
Hevseroka Komeleyên Demokratîk ên Elewiyan (DAD) Kadriye Dogan bal kişand ser cudahî û dewlendiyên mirovan û got: “Divê em bang li welatên Ewropayê nekin. Divê em bi jinên li Rojhilata Navîn ên, kurd, tirk, elewî ereb û hemû jinên din re piştavaniyê ava bikin. Em bi xwe bawer bin û ji wan re bêjin ‘Ev axa me ye, em we naxwazin’.”
Daxuyanî bi çepik û tilîliyan bi dawî bû.
