Di çarçoveya bicihanîna Peymana 29ê Çileyê de, amadekariyên vekirina Rêya M4 ya di navbera herêma Cizîrê û Helebê de tên kirin.
Di çarçoveya bicihanîna Peymana 29ê Çileyê ya di navbera HSD û hikûmeta demkî ya Sûriyeyê de, amadekariyên vekirina Rêya M4 a di navbera herêma Cizîrê û Helebê de tê kirin.
Li gor nûçeya ANHAyê, amadekariyên vekirina rê bi amadebûna cîgirê fermandarê Hêzên Ewlekariya Hundirîn ê Hesekê Mehmûd Xelîl û hejmareke fermandarên Hêzên Ewlekariya Hundirîn ên herêma Cizîrê û Helebê tên kirin. Her wiha da zanîn ku amadekariyên avakirina bendên kontrolê li nêzî gundê Tewîla yê li rojavayê bajarê Til Temirê jî tên kirin.
Rêya M4 ku yek ji rêyên stratejîk li bakurê Sûriyeyê ye, bajarên Hesekê, Reqa, Kobanê, Minbicê û Helebê bi hev ve girê dide. Ji bo veguhastina kel û pelan di nava van bajaran de, rêyeke girîng e.
