Li Çand Amedê ya navçeya Yenîşehîr a Amedê lansmana projeya Ulaş Bager Aldemîr a “Raborî Pêşeroj e” hat lidarxistin.
Li Çand Amedê (Navenda Kongreyê ya Şaredariya Bajarê Mezin) bi pêşengtiya Ulaş Bager Aldemîr û piştgirtiya Şaredariya Bajarê Mezin a Amedê ev Projeya bîrbiriya çandî ya navneteweyî “Raborî Pêşeroj e” dê di navbera 16 û 18ê Nisanê de bê li dar xistin. Ji bo projeyê çîroka jiyana fikirkarên Ewropayî hat nivîsandin û çapkirin. Li ser vê projeyê gelek kes jî beşdar bûn. Kesên wekî: Lain Badiou, Etienne Balibar, Tarik Ali, Janette Habel, Michael Löwy, Gretchen Dutschke-Klotz û Jeremy Corbyn ji bo projeyê bûn alikar. Michael Löwy, Eleni Varikas, Gretchen Dutschke-Klotz, Goran Therborn, Ahmet Turk, Mithat Sancar, Gultan Kışanak, Omer Laçiner û Cengiz Çandar jî wekî axêver beşdar dibin.
Roja yekemîn bi pêşangeha wênesaz Ayla Aksoyoglu ve dest pê kir. Di pêşangehê de Hevserokên Bajarê Mezin ên Amedê Sera Bucak û Dogan Hatun û gelek rêverberên saziyan beşdar bûn. Beriya ku beşder li pêşangehê bigerin Ulaş Bager Aldemîr, Ayla Aksoyoglu û Dogan Hatun axivîn.
Ewilî Ulaş Bager Aldemîr axivî û diyar kir ku îro gelek xemgînin ji ber ku Sirri Sûreya Onder di nexweşxaneye de ye. Ulaş Bager Aldemîr bang li Sirri Sûreya Onder kir û got “Hevalê Sirri Sûreya Onder me berne de.”
‘Em di bin baskên hunerê de kom bûn’
Paşê wenêsaz Ayla Aksoyoglu axivî û diyar kir ku ew pêşangeh xeyalê gelê Kurd e û got: “Ez hêvîdar im ku hevalên me Sirri Sûreya Onder baş bibe. Îro em di bin baskê hunerê de hatin ba hev. Ew sergî ji bo azadîyê ye. Ew proje şanî min kir ku ez xeyal bikim.”
‘Sirri Sûreya Onder ji bo Kurd û Tirkan giring e’
Dogan Hatûn jî da zanîn ku kolanên Amedê dîroka gelan e û wiha axivî: “Ji ber rewşa birêz Sirri Sûreya Onder em xemgînin. Hevalê Sirri karekî gelek pîroz dikir. Sirri Sûreya Onder ji bo gelê Kurd û Tirk gelek giring e. Ji ber ku ew ji bo aştiyê têdikoşiya. Ez hêvîdarim ku kekê Sirri Sûreya Onder wê baş bibe. Dê dîsa di nav me de be. Em gelek nêzî aştiyê ne. Dema ku em li van kûçeyan bigerin Apê Mûsa û Vedat Aydin bibîr neynin nabe. Ji bo azadîyê gelek ciwanên me canê xwe dane. Ee bajar dîroka zindî ye.”
Paşê beşder li pêşangeha wênesaz Ayla Aksoyogluyê geriyan.
