* Li Tirkiyeyê nêzî 36 ziman hene. Li gorî tespîtên UNESCOyê 3 ziman li Tirkiyeyê winda bûne û 18 ziman jî bi tunebûnê re rû bi rû ne. Nivîskarê Rojnameya Xwebûnê Prof. Dr. Abdulillah Polat di gotarek xwe de li ser rol û rista ziman wiha dibêje: “Rola zimanê zikmakî pêdiviyeke zanistî ye.”
* Welatiyen Wanê ku 4 roj in li pêş Şaredariya Bajarê Mezin a Wanê di nobetê de ne, anîn ziman ku ji bo xwedî li vîna xwe derbikevin li vir in û gotin: “Dixwazin vîna me desteser bikin, lê vîn
ji bo gelan, netewan rûmet e.”
* Hevseroka Desteya Ekolojiyê ya Kantona Firatê Almaz Romî anî ziman ku îsal armanca wan 10 hezar daran biçînin, lê ji ber êrişên dewleta Tirk nikarin daran biçînin. Almaz Romî destnîşan kir ku ji sala par ve bi dirûşma “Her malek û darek” xebatên çandina daran dane destpêkirin û dê di 4ê Nîsanê de li hemû malan daran belav bikin.
* Rojnameger Amed Dîcle anî ziman ku hêzên hegemon ji bo dîzayneke nû bidin Rojhilata Navîn li dijî Rêberê PKKê Abdullah Ocalan komploya navneteweyî pêk anîn û got: “Bi komployê xwestin Kurdan têk bibin. Lê piştî 26 salan Rêber Abdullah Ocalan di salvegera komployê de dixwaze hebûna Kurdan li dinyayê careke din îlan bike.”
* Komeleya Ziman û Çandê ya Birca Belek wê 2yemîn kongreya xwe ya awarte li eywana konferansê ya Şeredariya Cizîrê li dar bixe. (13.30)
Rojeva Kirmanckî
Tornê Şêx Seîdî Bedrî Firat va ke problemê kurd bi ewnîyayişêko sîyasî bêro çareserkerdêne, komarêka seyyewbînan bêra awankerdêne û wina va: “Tirkîya ganî na pêvajoye weş bikar bîyara, eke pêvajo weş nêard ca do hem seba Dewleta Tirk hem zî dewletê Rojhîlatê Mîyanênî tenganeyî bîyaro.”
