* Hevserokê MEBYA-DER a Wanê Yûsûf Dundar ku derheqê pêvajoyê de behsa gavên şênber ên ku dewlet biavêje kir, da zanîn ku dewlet baweriyê nade gel û got: “Heke desthilat bixwaze baweriyê bide gel, bila gorên bêkes tespît bikin û bidin malbatên wan.”
*Hevserokê berê yê Desteya Perwerdehiyê yê Bakur û Rojhilatê Suriyeyê Bekîr Cerade bi bîr xist ku beriya Şoreşa Rojava mafê perwerdehiya zimanê Kurdî qedexe bû û got: Şoreşa 19ê Tirmehê bû azadiya zimanê Kurdî û hemû zimanên cûda yên Suriyeyê.”
*Bavê Veysel Ozdemîrê ku di komkujiya Pirsûsê de jiyana xwe dest da, diyar kir ku piştî Veysel hate kuştin, êdî jiyan li wî tarî bû û got: “Eger sûcdar bêne darizandin dê êşa me hinekî kêm bibe.”
* Bavê Şervanê YPGê Şervan Şiyar Kobanê ku di Şoreşa rojavayê Kurdistanê de jiyana xwe ji dest da, Îhsan Çapan diyar kir ku êdî cîhanê jî modela Rojava qebûl kiriye û got: “Dewletê winda kir û Rojava jî bi ser ket.”
* Bi minasebeta 13emîn salvegera şoreşa 19ê Tîrmehê dê li gelek navendan çalakiyên pîrozbahiyê bên lidarxistin.
*Xizmên windayan û ÎHD ji bo winda bên dîtin û kujer bên darizandin dê li Parka Koşuyolu çalakiya xwe berdewam bike (12.00)
* Ji bo girtiyên nexweş bên berdan dê Komîsyona Girtîgehan çalakiya “Rûniştina F” berdewam bike (13.00)
