* Hevserokê Giştî yê DBPê Keskîn Bayindir ku di nav şandeya çûbû Rojava de cih girt, çavdêriyên xwe yên wê derê vegotin û destnîşan kir ku heta gelê Rojava bigihîje statuyekê divê gelê Kurd li ser pêya be û li ber xwe bide, piştgiriyê Rojava bike.
* Nûnera PYDê ya Ewropayê Mizgîn Ehmed bi lêv kir ku êrişên ser Rojava di çerçoveya planên hêzên navneteweyî pêk hat û got: “Helwest û nêzîkbûna xwedîderketina li Rojava nîşan dide ku em Kurd di vê sedsalê de yan dê xwedî cih bibin an jî naxşereya ku ew dixwazin naçe serî.”
* Serokê Baroya Amedê Abdulkadîr Guleç û Hevserokê OHDa Amedê Mûhîttîn Mûgûç bal kişandin ser binpêkirina mafan yên li Rojava pêk tên û gotin: “Rojava di bin gefa tarîtiyê de ye.”
* Welatiyên Amedê nerazîbûn nîşanî êrişên li ser Rojava dan û gotin: “Em êrişên li ser Rojava qebûl nakin û em li gel xwişk û birayê xwe yên Rojava ne.”
* Welatiyên ku li Stenbolê tev li meşa li dijî êrişên li ser Rovaja bûn diyar kirin ku divê her kes rabe serê pêya û gotin: “Roj roja xiretê ye. Ne îro be em ê kengê rabin?”
* Mele Mehmet Emîn Aslan û Hevberdevkê Komîsyona Gelan û Baweriyan ya DEM Partiyê Yavuz Kahraman diyar kirin ku bawermend birayê hevdu ne, mafên ku ji bo tevahî cîhanê hene divê ji bo gelê Kurd jî hebin û gotin: “Îro li Rojhilata Navîn li dijî Kurdan dorpeçek hebe li wir Îslam tune ye. Xweda dadê ji her kesî re ferman dike.”
* Bi pêşengiya Platforma Saziyên Demoktatîk têkildarî êrişên li ser Rojava dê li Kerboran, Misirc û Edeneyê meş bên lidarxistin. (13:00)
* Dê geşedanên derbarê Rojavayê Kurdistanê de bên şopandin.
