Rojnameyên erebî îro cih dan rêbazê lihevhatina li Sûriyeyê û xwepêşandanên li Îranê û gotin ku polîtîkayên pirrengiya olî, mezhebî, neteweyî neyên meşandin dê hemû plansazî bi têkçûnê re rû bi rû bimînin.
Rojnameyên erebî diyar kirin ku ji bo projeyên siyasî yên li Sûriyeyê bi ser bikevin, divê polîtîkayên mafên pirrengiya olî, mezhebî û etnîkiya ji hemû pêkhateyan pêk tê werin meşandin. Tê gotin ku projiyên xwe nespêrin van bingehên civakî, hemû plansazî dê bi têkçûnê re rû bi rû bimîne. Rojnameyên Erebî derbarê xwepêşandanên li Îranê jî destnîşan kirin ku Tehran ji bo gelek senaryoyan vekirî ye.
Li Sûriyeyê rê û rêbazên lihevhatinê
Rojnameya El Ereb bal kişand ser geşedanên Sûriyeyê û diyar kir ku aloziya Sûriyeyê gihîştiye qonaxek krîtîk. Hate gotin ku çi projeyên siyasî heke pirrengiya olî, mezhebî û etnîkî ya li nava welat berçav negire û beşdariya hemû pêkhateyên mîsoger neke, dê lawaz bimîne û dê ber bi hilweşînê ve biçe.
Destura bingehîn a sivîl
Rojname dibêje ku Sûriye mozaîkeke rengîn e û ji pêkhateyên bi hev ve girêdayî pêk tê. Herwiha Rojname detnîşan dike ku ji ber vê pirrengiyê jî pêwîstî bi peymaneke civakî ya li ser bingeha hemwelatîbûna wekhev destûrek sivîl were amadekirin. Li gor rojnameyê projekek wisa dikare bibe çavkaniyek hêza civaka mozaîka Sûriyeyê.
Rojnameya El Ereb bal dikişîne ser girîngiya destura bingehîn û wiha dibêji: “Destûrek sivîl ya ku karûbarên ol û dewletê vediqetîne dê rê li ber reforman veke.
Xwepêşandanên li Îran û Rojhilatê Kurdistanê
Rojnameya El Quds El Erebî diyar kir ku di navbera xwepêşandanê Îranê yên 1999an a Tevgera Keskan a heya 2009an berdewam kiriye, xwepêşandana 2019an ya ji ber rewşa aboriyê, xwepêşandana 2022an ya piştî qetilkirina Jîna Emînî û xwepêşandanên ku di vê dawiyê de ji ber kêmbûna nirxa pereyê, zextên desthilatê yên li ser civakê, di gelek mijaran de têkiliyên wan hene.
Xwepêşandêr saziyên olî hedef digirin
Rojnameya El Quds El Erebî destnîşan kir ku xala hevbeş a di navbera van xwepêşandanan de ew ku ji daxwazên aborî û debarê veguherîne daxwazên siyasî û bi bîr xist ku di xwepêşandanên vê dawiyê de saziyên olî hatin hedefgirtin.
Helwesta xwepêşandêran xetereyên navxweyîne
Rojnameyê diyar kir ku xwepêşandanên herî dawî hem pir mezin in û hem jî guhertinên mezin pêk tînin. Rojname destnîşan dike ku rejîma Îranê her çend xwepêşandanên dawî bi hevkariya Amerîka û Îsrailê tewambar bike jî, ji bo vê daneyeke şênber eşkere nikir. Rojname diyar dike ku xwepêşandêr ji bo guherînên navxweyî têdikoşin.
