MEBYA-DER, Dayikên Aştiyê, rêxistinên DBP û DEM Partî yên Şirnex û navçeyên Qileban û Cizîrê serdana şîna endama YJA Starê Şehrîban Alturk a ku li Zapê jiyana xwe ji dest dabû, kirin.
MEBYA-DER, Dayikên Aştiyê, rêxistinên Partiya Herêmên Demokratik (DBP), Partiya Wekhevî û Demokrasiyê ya Gelan (DEM Partî) ên Şirnex û navçeyên Qileban û Cizîrê û parlamenterê DEM Partî yê Şirnexê Mehmet Zekî Îrmez serdana şîna endama YJA Starê Şehrîban Alturk (Armanc Azadî) a ku di 29ê qanûna 2024an de li Zapê di pêvçûnê de jiyana xwe ji dest dabû, kirin. Şîn ji aliyê malbata Şehrîban Alturk a navçeya Qileban a Şirnexê hat danîn.
Di serdanê de dua hatin xwendin û girsê ji malbtaê re sersaxî xwestin. Di şînê de parlamenterê DEM Partî yê Şirnexê Mehmet Zekî Îrmez axivî û anî ziman ku heta daxwaza wan a aştî û azadiyê pêk were wê têkoşîna xwe bidomînin û wiha got: “Birêz Abdullah Ocalan ji bo dayikên kurd û tirkan negirîn, edî xwîn bisekine banga ‘Aştî û Civaka Demokratîk’ kir. Em jî li pişt vê bangê ne. Lê ji bo gelê me ji pêvajoyê bawer bibe divê dewlet jî gavan bavejê. Ji aliyê rêxistinê ve hat hatinê avetin. Gelê me jî li bendêye ku ji aliyê hiqûqî û demokrasiyê ve dewlet jî gavan bavejê.”
Piştî axaftinan dua hatin xwendin.
