Îranê êrişî baregeheke hewayî ya leşkerî ya Amerîkayê li Erebistana Siûdî kir. 12 leşker birîndar bûn. Hikûmate Îsraîlê ji bo bêçekirina Hizbûllahê gef li hikûmeta Libnanê xwar.
Rojnameya Wall Street Journalê eşkere kir ku Îranê bi moşek û dronan êrişê baregeha Amerîkayê ya li Erebistana Siûdî kir û di êrişê de 12 leşkerê Amerîkî birîndar bûn. Berdevkê Artêşa Îsraîlê jî diyar ku hikûmeta Libnanê Hizbûllahê bêçek neke ew dê Hizbûllahê bêçek bikin.
Li gorî raporeke Wall Street Journalê ku behsa rayedarên Amerîkî û Erebistana Siûdî dike îro moşekên Îranê baregeha leşkerî ya Amerîkayê ya bi navê Prince Sultan li Erebistana Siûdî xistin û zirar da çend balafirên dagirtina sotemeniyê. Li gorî raporê êriş bi wêne û daneyên çavkaniyên vekirî yên ku li ser înternetê belav bûne, hatiye piştrastkirin.
Li gorî raporeke Reutersê jî ku agahiyan dispêre berpirsekî Amerîkî di êrişê de 12 leşker birîndar bûne û rewşa du leşkeran krîtîk e.
Hikûmeta Îsraîlê gef li hikûmeta Libnanê xwar: Hizbûllahê bêçek bike
Berdevkê Hêzên Parastinê yên Îsraîlê (IDF) General Effie Defrin îro di derbarê rewşa Hizbûllahê ya li Libnanê de daxuyanî da û di daxuyaniyê de gef li hikûmeta Libnanê xwar û wiha got: “Heke hikûmeta Libnanê ji bo bêçekkirina Hizbûllahê teştek neke dê Îsralî Hizbûllahê bêçek bike.” Berdevk Effie Dafrin di dewama daxuyaniyê de wiha dibêje: “ Heke hikûmeta Libnanê li dijî Hizbûllahê bêdengiya xwe bidomîne dê derfet çêbe ku Hizbûllah ji nûve xwe biçek bike û xwe birêxistin bike:”
Defrin di daxuyaniyê de bal kişand ser sozên hikûmeta Lûbnanê yên ji bo bêçekkirina komên wek Hizbûllahê û wiha got: “Hikûmeta Libnanê di destpêka îsal de soza bêçek kirina Hizbûllahê dabûn, lê Hizbullah hîn jî çalak e û ji başûrê Lûbnanê êrişan pêk tîne.”
Berdevkê Artêşa Îsraîlê di daxuyaniyê de destnîşan dike ku ji Hizbûllahê 2yê Adarê ve bi koordînasyona rejîma Îranê êrişên roket û dronan bi ser herêmên sivîl pêk anîn û diyar kir ku ev êriş hem sivîlên Îsraîlî hem jî yên Libnanî dixin xetereyê.
