Şîna Endamê HPGê Cesûr Gunduz ya li gundê Girgewrê yê Silopyayê bi girseyî hat ziyaretkirin.
Şîna Endamê HPGê Resûl Gunduz (Nûrhak Zagroz) ku di 13ê Tebaxa 2020an de li Garê jiyana xwe ji dest dabû bi girseyî hat ziyaretkirin. Parlementerê DEM Partiyê yê Şirnexê Mehmet Zekî Îrmez, endam û rêveberên MEBYA-DERê, endam û rêveberên partiyên siyasî û saziyê sivîl, her wiha bi sedan welatî çûn serdana şîna Cesûr Gunduz a li gundê Girgewrê ya li navçeya Silopyayê ya Şirnexê hatiye danîn. Girseya ku li nêzî mala şînê kom bûyî meş lidarxist û dirûşma, ‘Şehîd namirin’ berz kir.
Piştî rêzgirtina ji bo cangoriyên azadiyê Hevserokê DEM Partiyê yê Silopyayê Cevher Findik got: “Em ê têkoşîna wan mezin bikin. Em ê heya dawiyê li pêvajoya Rêberê Gelê Kurd Abdûllah Ocalan daye destpêkirin xwedî derkevin. Em ê ji bo xurtkirina deste Birêz Ocalan têkoşîna xwe bilind bikin.”
Piştî Cevher Findik, bavê Cesûr Gunduz, Servet Gunduz da zanîn ku kurê wî şehîdê hemû Kurdistanê ye. Piştre jinên hatine şînê bi dirûşmên, ‘Şehîd namirin’ û ‘Bijî Serok Apo’ derbasî konê sersaxiyê yê ji bo jinan hatiye vekirin bûn. Li vir wêneyên Cesûr Gunduz bi konê sersaxiyê ve hatin daliqandin.
Serdana şînê bi xwedina duayan bi dawî bû.
