Amed – Ecûrên li Amed û Merdînê digihîjinê li ser tableyan cihê xwe girtin. Firoşkarên ecûran diyar kirin ku her roj bi sedan kîlo ecûr difiroşin.
Dema demsal dibe havîn li kolanên Kurdistanê bêhna encûran belav dibe. Gelek kuçe û cadeyên Amedê bi tableyên ecûran tije bûn e. Li navçeya Sûrê ya Amedê li serê her kolanê tableyek ecûran heye. Bi pirraniya ecûran ji Mêrdînê tên Amedê û hin ecûr jî yên baxçeyên Amedê ne. Ecûr hem niha tên xwarin hem jî gelek kes ji bo bikin tirşî dikirin. Xelkê Amedê diyar dike ku ew gelek ji ecûran hez dikin.
Hin tablevan ecûran bi kîloyan difiroşin. Kîloya ecûran bi 80 lîreyî difiroşin. Hin tablevan jî yek bi yek difiroşin. Dema yek bi yek difiroşin jî heba ecûran bi 30 lîreyê difiroşin. Li ser tableyan ecûran rêz dikin, qeşayê dixin navê û hin welatî jî tên li ser pêya dikirin û dixwin. Tablevanan diyar kirin ku kesên li bajarên Tirkiyê tên cara yekemîn ecûran dibînin û dixwin û bi kîloyan dikirin.
Tablevanê bi navê Samî Geçtî diyar kir ku ew ecûran ji Merdînê dikirin û got: “Em ecûran ji Mêrdînê tînin. Em bi kîloyan difiroşin. Kîloya ecûran 80 lîre ye. Xelk pirr jê hez dike û pirr tên firotan. Ez ecûran hebo hebo difiroşim rojê 30 kîlo zêdetir difiroşim.”
