Donald Trump di hefteya duyemîn ya şer de hêviyên cîhanê zêde kir û got ku piştî şer dê cîhaneke me pirr ewletir hebe û dê şer jî pirr zû bi dawî bibe.
Serokê Amerîkayê Donald Trump duh êvarê li Florîdayê di axaftina xwe ya Konferansa Pirsgirêkên Endamên Komarî de got ku Operasyona Hêrsa Destanî (Epic Fury) dê zêde dirêj neke û vê agahiyê da: “Dema ev şer bidawî bibe dê cîhan ewletir be û ew dê pir jî dirêj nebe.”
Serokê Amerîkayê: Dê operasyona Hêrsa Destanî dê pir zû bi dawî bibe
Donald Trump destnîşan kir ku wan pirtirên depoyên moşekên Îranê, ligel dron û fabrîkayên çekan têkbire. Her wiha em cihê ku ew dronan çêdikin baş zanin, em dê bi temamî wêran bikin û dijminê xwe bi lez parçe bikin.
Trump diyar kir ku Tehran herî kêm 47 sal in gefeke cîhanî ye, divê operasyoneke têkbirina Komara Îslamî bi salan berê bihata kirin. Hat aşkerakirni ku di Operasyona Epic Fury de heft leşkerên Amerîkî hatin kuştin.
Lendsey Graham Erebistana Siûdî hişyar kir
Senetorê Amerîkî Lendsey Graham li ser hesabê xwe yê Xê diyar kir ku Balyozxaneya Amerîkayê ya li Riyadhê ji ber êrîşên berdewam ên Îranê yên li dijî Erebistana Siûdî tê valakirin. Graham dibêje ku Erebistana Siûdî artêşa xwe ya bihêz wek beşek ji hewldanên ji bo bidawîkirina rejîma Îranê ya hov û terorîst ku herêm teror kiriye û 7 Amerîkî kuştine, bi kar nayne.
Senetor Graham bi vê pirsê Siûdî hişyar dike: “Çima Amerîka bi welatekî wekî Erebîstana Siûdî re ku ne amade ye beşdarî şerê berjewendiya hevpar bibe, peymaneke parastinê îmze bike?”
Graham wiha got: “Amerîkî dimirin û DYA bi milyaran dolar xerc dike. Di vê navberê de, wisa dixuye ku Erebistana Siûdî daxuyaniyan dide û li pişt perdê tiştên ku hinekî alîkar in dike, lê ne amade ye ku beşdarî operasyonên leşkerî yên ji bo bidawîkirina serweriya terorê ya ji Îranê derdikeve bibe. Hêvîdar im ku welatên Konseya Hevkariyê ya Kendavê bêtir tevlî bibin, ji ber ku ev şer li hewşa wan e. Heke hûn niha ne amade ne ku artêşa xwe bi kar bînin, hûn ê kengê amade bin ku wê bi kar bînin? Hêvîdar im ev rewş di demek nêz de biguhere. Heke na, dê encamên wê hebin.”
