Welatiyên ji Wanê tevî meşê bûn êrişên çeteyên HTŞê şermezar û wiha gotin: “Çete ji dewleta Tirk û dewletên cîhanê digirin hêzê digirin û êrişî gelê Kurd dikin. Wê Rojava tu wextê nekeve.”
Platforma Saziyên Demokratîk a Wanê ji bo ku êrişên çeteyên HTŞê, DAIŞê ku piştgiriya xwe ji Tirkiyeyê digirin, yên li ser Rojava şaemezar bike meşek li darxist. Welatiyên ku tev li meşê bûn di derheqê êrişên li ser gelê Kurd de ji Ajansa Welat re axivîn.
Welatiyên ku li Wanê tevî meşê bûn êrişên çeteyên HTŞê şermezar kirin û gotin: “Wê Rojava tu wextê nekeve.” Welatiyan da zanîn ku ev êriş bi piştigiriya dewletan pêk tên û gotin: “Em van êrişan qebûl nakin, em ê her tim li gel gelê Rojava û şervanên Rojava bin. Vî şerî dewleta Tirk a dagirker dimeşîne. Em van êrişan şermezar dikin. Divê demildest deriyên sînor bên vekirin, alîkarî ji bo gelê Rojava bê şandin.”
