Rojnameya Xwebûnê bi manşeta “Divê ev dijminatî raweste” derket.
Rojnameya Xwebûnê ku li ser dijîtal rojane û çapî jî heftane weşanê dike di hejmara xwe ya 296emîn de bi manşeta “Divê ev dijminantî raweste” gihişt ber destê xwînerên xwe. Rojnameyê, di vê hejmara xwe de cih da hevpeyvîna Rohat Bulut a bi Endamê Konseya Hevserokatiyê yê PYDê Salih Muslim re. Salih Muslim li ser rewaşa heyî ya Sûriyeyê û rewşa siyasî ya kurdan nirxandinên girîng û berfireh dike. Salih Muslim diyar dike ku armanc û têkoşîna wan ji bo Sûriyeyeke nenavendî û demokratîk e. Salih Muslim, li ser “Konferansa Yekhelwestiya Pêkhateyên Bakur û Rojhilatê Sûriyeyê” jî wiha dibêje: “Ji bo mirov bikaribe tiştekî ava bike bingehek pêwîst e, ev konferans jî bingeha avakirinekê ye. Beşên Sûriyeyê hemû jî di vê konferansê de hebûn. Divê mirov ji pêkhateyên Sûriyeyê netirsin.” Muslim li ser xêrnexwaziya Tirkiyeyê ya ji bo Rojava jî wiha dibêje: “Dewleta tirk ku bi awayekî tûj dijminatiya Rojava dike divê ji wê helwesta xwe şûn ve gav biavêj e. Divê ev dijminatiya li dij Rojava raweste, wiha çê nebe.”
Rojname di surmahşeta xwe de jî cih dide fermandarê mezin pêşengê Şoreşa Rojava Nûreddîn Sofî ku HPGê di 11ê Tebaxê de aşkera kiribû ku Nûreddîn Sofî di 6ê nîsana 2021an de di êrîşên hewayî ya dewleta tirk de jiyana xwe ji dest daye.
Di hejmara vê hefteyê de nivîskar Feratê Dengizî, Arslan Ozdemîr, Felemez Ulug, Medenî Ferho, Kurdistan Lezgiyeva, Hisên Çatikkaş, Prof. Dr. Abulîllah Polat, Mihemed Kurdî, Dildarê Amedê, Mehmet Akdogan, Rohat Bultu û Serdar Altan, bi nivîsên xwe di rojnameyê de cih girtin.
