Di encama xebata sal û nîvekê ya berdewam de Desteya Çandê ya Rêveberiya Xweseriya Demokratîk a Herêma Bakur û Rojhilatê Sûriyeyê li parka avahiya desteyê ya Reqayê mufzexaneya belgekirina sûcên DAIŞê vekir.
Li gorî nûçeya ANHAyê; Piştî nêzî 7 sal di ser rizgarkirina Reqayê re derbas bû, mûzxaneya “Bîranînên nayên jibîrkirin” weke yekemîn muzexaneya belgekirina berfireh a sûcên çeteyên DAIŞê li bajarê ku dihat îdiakirin paytexta wan e, hat vekirin.
Ev ne tenê şahidê bûyerên borî ye, lê sembolek ku nifşên nû li ser vegera tarîtiyê hişyar dike ye, û cîhanê bi bîr dixe ku edaleta pêvajoya veguhêz daxwazeke biîsrar a tevahî Sûriyeyê; ji Reqayê bigire heta bi peravê, ye.
Hevseroka Desteya Çandê û Şûnwaran a Herêma Bakur û Rojhilatê Sûriyeyê Serfiraz Şerîf têkildarî mijarê axivî û got: “Di mûzexaneyê de 100 wêneyên bi baldarî hatine hilbijartin û ji nava hezaran belgeyên bi zehmetî hatine bidestxistin, hene. Ev wêne li ser tevlêkirina zarokan bi darê zorê di nava çeteyan de û perwerdekirina wan li ser darvekirina meydanî, ne.”
Serfiraz wiha domand: “Li dijî jinan binpêkirinên wekî mehrûmkirina ji perwerdehiyê û xebatê, neçarkirina wan a lixwekirina laçikê di bin gefa çekê de. Her wiha cihên şûnwarî yên li bajêr ku mîrasa şaristanî ya bi hezaran salan e, hatin wêrankirin.”
‘DAIŞê rêbazên hovane bikar anîn’
Serfiraz Şerîf der heqê rêbazên darvekirina hovane de jî got: “Çeteyên DAIŞê gelek rêbazên darvekirina hovane wekî çarmîxkirin, şewitandin û xeniqandin bi kar dianîn. Di van rêbazan de sivîl dibûn qurbanî. Ev yek li Çarxerêya Neîm ku bi Çerxerêya Cehîm dihat naskirin pêk dihat. Çeteyên DAIŞê di rojekê de 80 seriyên birî li wê çarxerêyê daliqandibûn.”
Serfiraz diyar kir ku li kêlek birnameyên çeteyên DAIŞ’ê dane alavên dervekirinê hene. Ji wan biryarnameyan ferzkirina nimêjê, girtina dikanan û darvekirina kesên dijber, veguherandina dibistanan bo dîwanên şerîetê, rakirina meteryalên perwerdehiyê bi hinceta ku dijî şerîeta îslamiyê.
Peykerên sûcên DAIŞê
Şêwekaran hovîtiya DAIŞê bi çêkirina peyrekan nîşan dan. Şêwekaran Çerxerêya Cehîm çêkir û li ser 3 seriyên birî ku ji cebsînê hatine çêkirin û nîşaneya qurbaniyên darvekirî ne, daliqandin. Li kêlek wê şêwekaran peykerên binpêkirinên dijî jinan weke peykera jinekê bi zincîran hatiye girêdan û peykerek din ku serî hatiye birîn û darvekirina jinan nîşan dide, çêkirin. Her wiha peykera 10 seriyên nenas ên hatine birîn hat çêkirin, ku ev yek bi bîra mirov tîne ku bi hezaran qurbanî hîna heta îroj aqûbeta wan nayê zanîn, hene.
