Yekîneyek teknîk a hikûmeta demkî ya Sûriyeyê gihîşt Balafirgeha Navneteweyî ya Qamişloyê da ku ji bo jinûve xebitandina balafirgehê dan û standinan pêk bîne.
Di çarçoveya pêkanîna peymana 29ê Çileyê ya di navbera HSDê û Hikûmeta Demkî ya Sûriyeyê de, yekîneyek teknîk a hikûmeta demkî îro gihîşt Balafirgeha Navneteweyî ya Qamişloyê.
Yekîne ji alîkarê serokê Desteya Balafiran a Sûriyeyê Emced Nexal û hejmarek teknîsyenan pêk tê û ji aliyê fermandarê Hêzên Ewlekariya Hundirîn a Parêzgeha Hesekê Merwan Mehmûd û fermandarê Hêzên Ewlekariya Hundirîn Mehmûd Xelîl Elî ve hat pêşwazîkirin.
Ji bo jinûve xebitandina balafirgehê di demên pêş de, dê yekîne li balafirgehê civînek li dar xist û dê ji niha şûn ve rewşa balafirgehê bişopîne.
Balafirek sivîl hate Qamişloyê
Her wiha balafirek sivîl jî ji bo ceribandin û kifşa li Balafirgeha Navneteweyî ya Qamişloyê ku çend sal bûn, ne di xizmetê de bû ji Şamê hate û li balafirgehê danî.
