Rojnameyên Erebî bal kişandin ser Peymana 10ê Adarê ya di navbera HSD û hikumeta demkî de hatibû îmzekirin û rewşa Îranê û pêşketinên li Xezayê.
Rojnameyên Erebî diyar kirin ku di serî de êrişên dewleta Tirk û zextên navneteweyî pêkanîna Peymana 10ê Adarê ya di navbera HSD û hikumeta demkî de asteng dike. Ev jî dibe ku rewşê ber bi rageşiyê ve bibe. Rojnameyan destnîşan kir ku li Îranê jî bêdengiyeke baldar heye û sîstema teknokratan ya ji bo Xezayê di nava filistîniyan de bûye cihê pirsnîşanê.
Zextên derve pêkanîna Peyman 10ê Adarê asteng dike
Rojnameya El Ereb cih da peymana 10ê Adara 2025ê ya di navbera Hêzên Sûriya Demokratîk (HSD) û hikumeta demkî ya Şamê de hat îmzekirin. Armanca Peymana 10ê Adarê hêsankirina entegrasyonê ye. Heta dawiya sala 2025ê jî mühlet hat danîn. Rojname diyar dike ku Şamê xwes bi êrişên çekdarî serdestiya xwe bide qebûlkirin lê êrişên çekdarî tu encamek dernexist holê û bû sedema rageşiyên hê aloztir.
Şam bi êrişên leşkerî peymanê asteng dike
Rojname diyar dike ku HSD siyaseta Şamê rexne dike û dibêje: Şam hevbeşiyê nameşîne, hesabê mafên hêzên Kurd û hêzên siyasî yên din nake. Her wiha hilbijartinên parlamentoyê yên 5ê Cotmeha 2025an pêk hat jî wekî “şeklî” bi nav dike. Di wê hilbijartinê de herêmên HSDê û Siwêdayê tinebûn û hêzên din ên sûriyeyî jî nehatin beşdarkirin.
Zextên Tirkiyeyê rê li pêşiya aloziyan vedike
Rojnameyê balkişand ser daxuyaniyên êrişkar ên rayedarên Wezareta Parastinê ya Tirk ku dibêje bila şervanên HSDê wekî ferd entegre bibin û HSD wek saziyeke leşkerî were fesihkirin. Lê HSD vê yekê wek zextên giran ên Tirkiyeyê yên li ser Şamê dibîne.
Li gorî rojnameyê; “faktorên derveyî dikarin tundiyê sînordar bikin, lê daxuyaniyên Tirkiyeyê yên li ser operasyoneke leşkerî ya muhtemel a li dijî HSDê hene. Gaveke bi vî rengî dikare pêvajoya aştiyê ya di navbera Tirkiye û PKKê de bixe xetereyê û dibe PKKê neçar bike ku agirbestê bi dawî bike.”
Bêdengî û tevgerên diplomatîk
Der barê xwepêşandanên li Îranê de jî rojnameya El Erebî El Cedîd diyar kir ki li Îranê piştî kêmbûna asta xwepêşandanan, bêdengiyeke baldar heye. Li gor rejîma Îranê rewş hatiye kontrolkirin. Lê nîşane hene ku Donald Trump di berdêla hin bertîlên siyasî de dev ji gefên li ser Îranê berdaye.
Hate gotin, serokê Amerîkayê Donald Trump spasiya hikumeta Îranê kir ku biryara darvekirina zêdetirî 800 kesî betal kir.
Karê Komîteya Rêveberiya Xezayê ne hêsan e
Der barê rewşa Xezayê de, Rojnameya The Independent destnîşan kir ku xelkê Xezayê li ser avakirina serkeftî ya Komîsyona Neteweyî ya Rêveberiya Xezayê geşbîn e, lê pirsên mezin li ser mekanîzmayên xebatê yên teknokratan derxistin holê. Hate gotin, xezayiyan meraq dikir gelo teknokrat dê bikarin Xezayê bi rê ve bibin?
Hate gotin ku piştî hilbijartina endamên Komîsyona Neteweyî ya Rêveberiya Xezayê ku ji pisporan pêk tê, berpirsyariyeke mezin dikeve ser milê teknokratan
