Rejîma Îranê bi rêya ragihandina xwe ya fermî kuştina Rêberê Olî yê Îranê Ayetulah Elî Xamaneyî piştrast û qebûl kir.
Amerîkayê û Îsraîlê duh bi hevkarî êriş li dijî rejîma Îranê dan destpêkirin. Medya Îsraîlê û Amerîkayê ji duh şev ve kuştina Rêberê Olî yê Komara Îslamî ya Îranê Ayetulah Elî Xameneyî radigihandin. Her wiha Serokê Amerîkayê Donald Trump jî ragihandibû ku wan Xamaneyî kuştiye.
Rejîma Îranê vê şeveqê bi rêya ragihandina xwe ya fermî ragihand ku Xamaneyî hatiye kuştin û bûyerê piştrast kir.
Elî Xamaneyî hembajariyê Xumeynî ye. Her du kes jî bi biryara darvekirin û qirkirina di serî de Kurdan û gelên din ên Îranê tên nasîn.
Navê wî yê rast Seyîd Elî Huseynî Xameneyî ye û 19ê Nîsana 1939an li Meşhedê ji dayik bûye. Bi eslê xwe Azerî ye û xelkê bajarê Xameneyê yê parêzgeha Azerbeycana Rojhilat e.
