* Şaxa Îzmîrê ya Sendîkaya Kedkarên Tenduristî û Xizmetên Civakî (SES), li dijî astengiyên ziman ên di qada tenduristiyê de dest bi xebateke ku ji hemû kedkarên tenduristiyê re bibe mînak da destpêkirin. SESê ji bo balê bikşîne ser “Mafê Tenduristiyê yê bi Zimanê Zikmakî”, ji bo xwendekarên bijîşkiyê, hemşîre, stajyer û bijîşkan atolyeya zimanê Kurdî pêk tîne.
* Xelkê gundê Qerqebazarê yê navçeya Kanîreşê li dijî projeya JESê ya fîrmayeke Îngilîz radibin. Gundiyan diyar kir ku destûra ji wan nehatiye girtin û ew ê heta dawiyê axa xwe li dijî vê projeyê biparêzin.
* Serokê Şaxa Egîtîm Senê ya Hejmara 2yemîn a Stenbolê Hanîfî Bayindir derbarê êrişên li ser dibistanên de diyar kir ku temaşekirina film û rêzefîlmên mafyatîk, medyaya civakî ya bêbinî û bêsînor, lîstikên dîjîtal ên şer, pevçûn dibin sedemên tundiyê û got: “Li Tirkiyê tu qanûnek ku pêşî li bidestxistina çekan bigire tune ye. Hêviya zarokan ji xwendinê nemaye û ji dibistanan dûr dikevin.”
* Dikandar Serhat Çogaz, sembolên Colemêrgê li magnet, kilîldank, plaket û hwd dinexşîne. Serhat Çogaz di heman demê de pêlavan jî difiroşe û navê gundên Colemêrgê li pêlavên ku difiroşe dike.
* Bi hatina biharê re Deşta Geverê bi pîvokan xemilî û bi rengên spî, zer û binefşî balê dikişînin ser xwe.
* Stranbêja Kurd Tara Mamedova beriya konsera xwe ya Amedê bang li guhdar û hezkiriyên xwe kir û got: “Bila gelê me were, em hev du bi stran û zimanê xwe yê şêrîn hev hembêz bikin.”
* Aktistên TJAyê dê derbarê geşedanên di çarçoveya dosyeya Gulistan Dokûyê de qewimîn li pêşiya Dadgeha Êlihê daxuyanî bidin çapemeneyê. (12:00)
* Platforma Jinan a Dîcle Amedê û Tora Têkoşîna li Dijî Tundiyê ya Amedê dê bi dirûşma “Ji bo Gulistanê serhildan ji bo edaletê berxwedan” li ber Edliyeya Amedê daxuyaniyê bidin çapemeniyê. (12:30)
* Berdevka DEM Partiyê Ayşegul Dogan dê derbarê geşedanên di rojevê de ne li navenda giştî ya partiya xwe civîna çapemeniyê li dar bixe. (14:00)
* Rêxistina DEM Partiyê ya Îzmîrê, li dijî desteserkirina milkên bajêr dê bi Parlamenter Îbrahîm Akin û rêveberên bajêr re serdana “Nobeta Fabrîkaya Pîşeyê” bike.(18:30)
Kirmanckî
* Suzan Îşbîlen kiştişê Gulîstan ê da balê ent serê polîtakaye cang e taybet û va: “Kiştişê Gulîstanê de gişta merdimanê dewlete tede est a.”
