Cenazaya Salih Muslim ke Hewlêr de şibi heqîya xo, resa Rojavayê Kurdîstanî. Siba do Stadyuma 12ê Adare de seba Muslimî merasimêk bêro kerdene û dima ra cenazaya ey do seba definkerdişî ver bi Kobanî bêra erşawitene.
Cenazaya endamê Meclîsê Hemserekîye ya Partîya Yewîya Demokratîke (PYD) Salih Muslimî berê sînor ê Sêmalka ra ameye Rojava. Cenaza Dêrik de ameye pêşwazîkerdene û dima ra ver bi Qamişlo ameye oxirkerdene.
Yeno zanayene ke cenaza do ewro biresa Qamişlo. Eke programî de bedilîyayîşêk nêbo, do siba saete 11:00î de Stadyuma 12ê Adare ya Qamişlo ya seba Muslimî do merasimêk bêro kerdene. Dimayê merasimî cenaza do ver bi Kobanî bêra oxirkerdene.
Yeno zanayene ke Muslim do roja şeme bêro definkerdene.
