Kesanê ke xo sey polîsan da naskerdene xebatkarê Rojnameyê Yenî Yaşamî Baran Tink seba ke ajanîye bikero ame tehditkerdene.
Baran Tink wexto ke Bornovaya Îzmîrî de rojnameya Yenî Yaşamî vilakerdêne, hetê kesanê ke xo sey polîsan da naskerdene ame vindarnayene û tehdîdkerdene. Tinkî dîyar kerd ke verê vindarnayene, polîsan vengê ey dayo û persê cayê ey kerdo û dima ra tira vato “Ma zanê ti kamca de yê û ti se kenê. Ganî ti ma reyde qisey bikerê. Dosyayê ma yê neweyî serê to de estê. Ma waşt ke vernî de to reyde qisey bikerê. La eke ti qebûl nêkerê, ma do nê dosyayan bîyarê verê to.” Tinkî îfade kerd ke polîsan ey bi ajanî tehdîd kerdo.
Baran Tinkî dîyar kerd ke verê cû wexto ke rojname vila kerdêne, polîsan o tacîz kerdbî. Baran Tinkî derheqê serebûtî de muracatê Komeleya Heqanê Merdiman yê Îzmîrî (ÎHD) kerd û derheqê polîsan de gerre kerd.
