Berfirehbûna şerê Îsraîl-DYA û Îranê asta şer derbasî qonaxek nû kir. Ji destpêka şer heta niha yekem car tesîsên enerjiyê di vê astekê bûn hedef. Ev pêşketinên dawî nîşan didin ku şer êdî gihiştiye asta qrîzeke li ser enerjî, bazirganî û siyaseta cîhanê bandor dike. Li gorî şirovekaran, xetera berfirehbûna şerê li herêmê her roj zêdetir dibe.
Şerê Îsraîl-DYA û Îranê di roja 20an de berdewam dike. Bi êriş û gavên duali şer ber bi qonaxek nûve dibe û aloziya li herêmê kûrtir dike. Pêşketinên dawî û tevgerên leşkerî fikarên mezinbûna şer a di gelek qadan de derdixe holê. Êrişên Îran û Îsraîlê yên duh li ser qadên enerjiyê bi xwe re nîqaş û gefên nû anîn.
Amerîka şandina hêzên nû bo Rojhilata Navîn dinirxîne
Bi bilindbûna rageşiyê hate ragihandin ku Amerîka li ser berfirehbûna şer şandina hezaran leşkerên nû bo herêmê dinirxîne. Li gorî agahiyan, di nav vebijarkan de ewlehiya Tengava Hurmizê û berfirehkirina operasyonên li dijî Îranê jî hene. Her wiha li Washingtonê li bingehek leşkerî ya ku rayedarên payebilind lê dijîn, dronên nayên zanîn îdîdî kê ne, hatin dîtin. Ji ber vê yekê tedbîrên ewlehiyê hatin zêdekirin û planên acîl hatin nirxandin.
Qeter û Îranê lêdana hedefên enerjiyê mezin kir
Ji duh ve Îran û Îsraîlê wargehên enerjiyê yên hev kirin hedef. Îranê êrişî bajarê Ras Laffanê yê Qeterê kir. Li gorî agahiyan, gelek moşek li yek ji navendên herî girîng ên LNGyê ketin. Di encama îsabeta moşekan de agir bi tesîsan ket û zirarên mezin çêbûn. QatarEnergyê piştrast kir ku li ser tesîsên LNGyê gelek êriş hatine kirin. Di encamê de agir û hilweşînek berfireh çêbûye. Tê gotin ku ev pêşketin dikare bandoreke mezin li ser bazar û peyda kirina enerjiyê ya cîhanê bike. Di heman demê de Îsraîlê ragihand ku bi koordînasyona Amerîkayê, êrişî tesîsa girîng a gazê ya li Bûşehrê kir. Ev yek nîşan dide ku tesîsên enerjiyê êdî bi awayekî rasterast bûne armanca şerê.
Trump: Xebera me ji lêdana Îsraîlê nîne
Serokê Amerîkayê Donald Trump di daxuyaniyekê de got ku êrişên Îsraîlê li ser qada gazê ya South Parsê ya Îranê sînordar bûne. Trump beravajî Îsraîlê ragihand ku xebera Amerîka û Qeterê ji vê yekê nîne.
Trump diyar kir ku êrişa Îranê li ser binesaziya enerjiyê ya Qeterê tehlûkeya mezin a cîhanê ye. Wî got heke Îran rageşiyê zêde neke, dê nehêle ku Îsraîl cardin êrişên din li ser tesîsên enerjiyê pêk bîne. Lê heke ev êriş dîsa bidome, Amerîka dê bi hêzeke giran bersiv bide Îranê. Lê hin rapor dibêjin ku dibe ku di navbera Amerîka û Îsraîlê de ji pêş de koordînasyon hebe.
Erebistana Siûdî û welatên Kendavê Îran hişyar kir
Wezîrê Derve yê Erebistana Siûdî Faysal bin Farhan got ku êrişa moşekan a Îranê li ser Riyadê nîşana herî vekirî ya nêzîkatiya Tehranê ye. Farhan diyar kir ku mafê wan ê bersivdayînê heye û wiha got: “Îran qey dibêje ku em dê bersiv nedin. Lê ve nirxandinek gelek kêm û xeter e. Ku êriş bidomin em dê mafê bersivdayînê binirxînin.” Her wiha Yekîtiya Îmaratên Ereb jî got ku êrişên Îranê li ser tesîsên neft û gazê binpêkirina hiqûqa navneteweyî ye. Welatên herêmê di vê fikrê de ne ku Îran herêmê bêstabîl dike.
Îsraîlê di 24 saetan de li 200 hedefan da
Hêzên Parastinê yên Îsraîlê daxuyand ku di 24 saetên dawî de zêdetirî 200 noqteyên Îranê hedef girtine. Hêzên Parastina Îsraîlê (IDF) daxuyand ku di nav van 200 hedefan de depoyên moşekên balîstîk, tesîsên dronan, pergalên parastina hewayî, rampeyên avêtina moşekan û tesîsên hilberandina alavên leşkerî hebûne. Her wiha hate gotin ku êriş ber bi bakurê Îranê ve berfireh bûye û Bandar Anzali, limana sereke ya li Deryaya Hazarê jî hedef girtine.
Rayedarên payebilind hatin kuştin
IDFê ragihand ku di nav sê rojên dawiyê de 4 rayedarên payebilind ên Îranê kuştine. Di daxuyaniyê de hate destnîşankirin ku Sekreterê Giştî yê Ko nseya Ewlehiya Neteweyî ya Bilind a Îranê Alî Larîcanî, Fermandarê Hêzên Besic Gulam Riza Sûleymanî, Serokê Îstîxbarata Îranê Îsmaîl Hatib û Wezîrê Parastinê Azîz Nesirzade kuştine.
Îsraîl bi telefonê ji rayedarên Îranê xwest alî biguherin
Li gorî nûçeya Walla Street Juornalê ev hefteyek e Îsraîlê bi rêbazên cuda li rayedarên Îranê digere û dixwazin ji rejîmê veqetin û alî biguherin. Rojnameyê nagaşt ku Îsraîlê pêşiyê gefa kuştinê dixwe û piştre jî pêşniyara veqetiyana ji rejîmê û bêalî mayînê li wan dike.
Li Deryaya Spî li keştiya Rusyayê xistin
Li Deryaya Spî tankera Arctic Metagaz a bi ala Rusyayê rastî êrişa droneya bêmirov hat û zirarek mezin dît. Tê gotin ku gemî bêtîm diherike û xetera teqîn û karesata hawirdorê heye. Lê nayê zanîn kê li keştiya Rusyayê xistiye. Bes tê angaştin ku ev peyamek li dijî Rusyayê ye ku piştgiriya xwe ya ji bo Îranê di ber çavan re derbas bike.
Li Îranê darvekirin û aloziyên hundirî
Dadgeha Îranê ragihand ku sê kes bi hinceta karmendên dewletê kuştine, darve kirin. Heta wiha rejîmê jî ev her sê kes wekî sîxûrên Amerîka û Îsraîlê tawanbarkirin. Tê gotin ku ev darvekirin bi aloziyên berê ve girêdayî ne. Her wiha li gorî çavkaniyên herêmî Îran li dijî mixalifan êriş, binçavkirin û darvekirin derxistine astek jor.
Hejmara moşekên Îranê hindî diçe kêm dibin
Îranê ku di rojên pêşiyê de bi sedan moşek û dronên xwekuji diavêtin di rojên dawî de hejmar kêm kiriye. Duh du caran êriş li dijî Îsraîlê pêk hatin. Li gorî çavkaniyan li derdora 15 moşekan û zêdeyî 50 dronên xwekuj hatin bikaranîn. Pisporên welehiyê vê yekê wekî kêmbûna qapasîteya şer a Îranê dinirxînin.
Di navbera DYA û Îranê de îdiaya têkiliyên nepenî
Medyaya Îsraîlê dibêje ku di navbera Amerîka û Îranê de têkiliyên nepenî hene. Di çapemeniya Îsraîlê de ev angaşt wekî Trump bêyî Îsraîlê plansaziyan dike ragihand.
