* Li Rojavayê Kurdistanê di salên 90î de, dema ku rejîma Baasê bi polîtîkayên bişaftinê agirê Newrozê qedexe dikir, gel bi ruhê berxwedanê cejna xwe diparast. Îro ew agirê ku li taxan bi awayeke veşartî dihat vêxistin. Îro agirê Newrozê li qadên azad ne tenê Kurdan, lê belê Ereb, Suryan û Ermenan jî di bin sîwana ‘Neteweya Demokratîk’ de dicivîne.
* Mûstafa Avci têkildarî polîtîkayên DEM Partiyê yên ser Rêveberiyên Xwecîhî diyar kir ku ew li ruxmê hemû astengiyan jî hewl didin modela xwe têxin pratîkê û got: “Her çend qanûnên niha astengiyan derxin jî, eger em paradîgmaya xwe baş fam bikin û birêxistin bikin, em ê karibin gavên dîrokî bavêjin.”
* Endamên Komîteya Amadekar ên Newroza Amedê RûçemVefa Elyakût û Firat Yuksektepe dan zanîn ku ew amadekariyên Newrozê temam kirine û wiha gotin: “Banga me li gelê Kurd û li gelê Amedê ye, werin em bi milyonan biherikin qada Newrozê.”
* Di şerê li dijî Îranê de mijara ku herî zêde di rojeva cîhanê de ye mijar kuştina serok û fermandarên payebilind yen Îranê ne. Ji pêvajoya destpêkê heta niha di encama êrişên Îsraîlê û DYAyê de Rêberê Olî Alî Xamaneyî jî di nav de nêzî 50 rayedarên Îranê hatin kuştin. Îsraîlê herî dawî lîsteyek nû ya navên kesên bên kuştin aşkera kir.
* Welatiyên Wanê derbarê pîrozbahiyên Newrozê axivîn û gotin: “Heya Newroz hatiyê ve astê gelek bedel hatin dayîn. Lewma divê em xwedî li ruhê Newrozê yê berxwedêr xwedî derkevin.”
* Endamên Komîteya Amadekar ên Newroza Êlihê Semra Guneş û Hasan Arigtekîn bang li welatiyên Êlihê kirin û xwestin gelê Êlihê bi deng û rengê xwe bi cil û bergên xwe li qadê bin û peyama xwe bidin cîhanê.
* Di dema ku amadekariyên Newroza 2026an a li Amedê bi dawî dibin de, welatiyên bajêr balê dikşînin ser pîrozbahiyên salên berê. Welatiyên ku salên 90î tînin bîra xwe, destnîşan dikirin ku tevî qedexe û zextên dijwar ên wê demê jî, pîrozbahî bi kelecaneke mezin dihatin lidarxistin.
* Bi boneya Cejna Remezanê li gelek bajaran dê serdana goristanan bê kirin û mezelên cangoriyan bê ziyaretkirin. (09:00-17:00)
* Platforma Hevgirtin û Parastinê ya Bajêr a Amedê dê bi boneya Newrozêli Tesîsên Civakî yên Fîskayayê yên Şaredariya Bajarê Mezin a Amedê Resepsiyonekê li dar bixe. (19:00)
Kirmanckî:
* Keyeyê Ahmet Orhanî, 94î ra ver dewa Qizilbêle ya ke girêdayîyê Dêrsimîya de weşîya xo ramenê. Dima talkerdena dewe ra bar kenê şonê dewa Erzinganî Yenîkoye de weşîya xo ramenê. Ahmet Orhanî rewşa xo ser ajansê ma rê qisey kerd.
