Stêra Zêrîn û Navenda Çand û Hunerê yên Wargeha Mexmûr, êrişên Dewleta Tirk ên li ser rojavayê Kurdistanê û hunermendan bi tundî şermezar kirin.
Stêra Zêrîn û Navenda Çand û Hunerê ya Mexmûrê (NÇHM) li Wargeha Şehîd Rûstem Cûdî (Mexmûr) êrişên Dewleta Tirk yên li ser Rojavayê Kurdistanê û hunermendan bi tundî şermezar kirin. Bi kombûna hemû endamên Navenda Çand û Hunerê û Navenda Stêra Zêrîn a li Navenda Çand û Hunera Mexmûrê (NÇHM), bi daxuyaniyekê êrişên li ser Rojava û hunermendan hatin şermezarkirin. Beriya ku daxuyaniyê bidin, di kesayeta şanogerê navdar Bavê Teyar (Cûma Xelîl) de ji bo hemû cangoriyên Kurdistanê deqeyek rêz girtin. Piştî rêzgirtinê Berdevka Navenda Çand û Hunerê Helena Babat daxuyanî da û êrîş şermezar kir.
