Muhafizanê Şorişî yê Îranî eşkera kerd ke neqebê Hurmuzî de 3 keştîyê konteynirî apey açarnayê. Tehranî dîyar kerd ke DYA û Îsraîl ê ke sey “dişmen” pênase keno, keştîyê ke girêdayeyê înan ê, do destûr nêdo şîyayîş û ameyişê înan.
Muhafizanê Şorişî yê Îranî, neqebê Hurmuzî de vîyartişê 3 keştîyanê konteynirî asteng kerdo û zor dayo înan ke apêy ageyrê.
Keyepelê Sepah News ke girêdayeyê Muhafizanê Şorişî ya, uca de ame eşkerakerdiş ke, do destûr nêdê neqebî ra şîyayîş û ameyişê keştîyanê ke lîmananê DYA û Îsraîlî û mutefîkanê înan reyde tekilîya înan est a.
No qeraro krîtîk ke derheqê Neqebê Hurmuzî de ameyo girewtiş, hetê bazirganîya enerjî yê dinya ra herême de tengijîyayîşî zêde kerdo.
Weşanê ke warê deryakarî de pispor ê, înan ra Llyod’s Lîstî eşkera kerd ke Îranî, heta nika keştîyê ke girêdayeyê Çînî yê, destûr dayo înan.
La goreyê eşkerakerdişê Serekê DYA Donald Trumpî, Îranî, roja panşeme Neqebê Hurmuzî ra “destûrê şîyayîşê 10 keştîyan” dayo û ney zî sey “jestê” Tehranî erjnayo.
