Pîrozbahiya rojbûna 77emîn a Rêberê Gelê Kurd Abdullah Ocalan ku li hewşa mala lê hatiye dinê bi dawî bû. Di pîrozbahiyê de wêneyên ji hevxweşiktir û bîra mirovan zindî bihêlin ketin ber kadraja me.
Li mala Rêberê Gelê Kurd Abdullah Ocalan a li gundê Amara ya li ser navçeya Xelfetiya Rihayê, rojbûna wî ya 77emîn bi awayeke girseyî û coşeke mezin hate pîrozkirin. Pîrozbahî bi gerandina govendê ya Koma KASEDê bi dawî bû. Bi sedan welatî tev li pîrozbahiyê bûn. Pîrozbahî li hewşa mala Abdullah Ocalan lê hate dinê hate pîrozkirin.
Siyasetmedarên Kurd Veysî Aktaş û Çetîn Akraş ku bi salan li Girtîgeha Îmraliyê bi Abdullah Ocalan re mabûn û sala par hatin berdan jî tev li pîrozbahiyê bûn. Cara yekem bû ku li gel Arkaş û Aktaş gelek girtiyên piştî 30 salan hatine berdan jî tev li pîrozbahiyê bûn. Dayikên Aştiyê, ciwan, aktîvîstên TJAyê û gelek siyasetmedar beşdarî pîrozbahiyê bûn.
Di pîrozbahiyê de wêneyên gelek taybet û ji hevxweşiktir jî ketin ber kadraja ajansa me.
Bi taybetî pasteyek biçûk ku wêneyê Ocalan li ser bû û hatibû amadekirin bi awayek sembolîk anîn ber Veysî Aktaş, Mehmet Ocalan û siyasetmedar Nîzamettîn Togûç.
Posterek mezin ê Abdullah Ocalan li hewşa malê hatibû daliqandin. Wêneyê Mahsum Karaoglan û Mustafa Dag jî hatin vekirin. Dayikên Aştiyê ku bi cil û bergên xwe yên neteweyî tev li pîrozbahiyê bûn balê kişandin ser xwe.
Wêneyên ku ketine ber kadraja me wiha ne:
