Li Stenbolê hezaran kes xwestin li Taksîmê 1ê Gulanê pîroz bikin lê rastî êrişa polîsan hatin û 576 kes hatin binçavkirin.
Li Stenbolê 1ê Gulanê Cejna Karker û kedkarên Cîhanê gelek qadan hat pîrozkirin. Yek ji wan cihan Taksîma Stenbolê bû. Bi danê sibê re Qada Taksîmê û navçeyên Beyogluyê bi giştî hatin girtin. Gelek partiyên siyasî û rêxistinên ciwanan li rawestgeha Mecîdikoya navçeya Şîşliyê kom bûn. Lê polîs bi tundî êrişî gel kir.
Gel li dijî êrîşên polîsan bendên polîsan hilweşand. Di êrîşên polîsan de 576 kes ji bo xwestin derkevin Taksîmê bi îşkenceyê hatin binçavkirin.
Ji wan 407 kes li Emniyeta Vatanê tên girtin û 169 jî li Emniyeta Gayrettepeyê tên ragirtin. Karûbarên îfadeya binçavkiriyan didomin.
47 kes jî ji bo derketibûn Pira Bogazîçiyê hatibûn binçavkirin, li Emniyeta Vatanê tên girtin. Hat ragihandin ku 47 kes wê sibe sewqî dozgeriyê bên kirin.
