* Pisporê ziman Serdar Balci bal kişand ser xetereya medyaya dijîtal û zîrekiya çêkirî ya li ser zimanê Kurdî û got: “Algorîtma ne li gorî rastiya ziman, li gorî bikaranînê tevdigere. Ger em Kurdiya standard di qada dijîtal de neparêzin, zimanê me dê di bin siya zimanên serdest de pûç bibe.”
* Li Rojavayê Kurdistanê piştî Şoreşa Rojava bi awayekî fermî perwerdehiya bi Kurdî 14 sal in tê dayîn. Piştî xebatên entegrasyonê jî yek mijara girîng destkêftiyên ziman e. Berdevka Komiteya Mafnasî ya Yekîtiya Mamosteyan Henan Iniz destnîşan kir ku ew dev jî zimanê xwe bernadin û ji bo parastina destkeftiyên ziman çi ji dest wan were dê bikin.
* Çêkera naverokên medya dîjîtal Rojda Aksoy a ku piştî 36 saliya xwe dest bi hînbûna Kurdî kiriye got: “Min fêm kir ku her roj kesên Kurdî diaxivin kêm dibin. Li ser vê mijarê min dîmenek parve kir. Dema piştre rastî şîroveyên nijadperest hatim û min ji xwe re got ‘divê wekî bersivê wan ez Kurdî hîn bibim’. Destpêka min a hînbûna Kurdî jî bersivek bû. Divê gelê Kurd zimanê xwe hîn bibin û biaxive.”
* Bavê Şerzan Kurt, Omer Kurt diyar kir ku polîsê sivîl Şahîn Gultekîn ê teqawît bûyî, di doza kuştina kurê wî de li Mûglayê cara çaran 5 sal û 6 meh cezayê girtîgehê lê hate birînê û hê jî li derve ye.
* Zivistana îsal li bajarên Kurdistanê bi bereketa xwe hat. Berfa ku li çiyayên bilind ma û barana ku bi ser de bariya, kaniyên ku li ber ziwabûnê bûn careke din da der. Sûlavên Emrûtê ku berê di nîvê biharê de kêm dibûn û di havînê de bi temamî ziwa dibûn, lê îsal gur diherike û bi dîmenên xwe yên bêhempa bala her kesî dikişîne.
* Şaredariya Payîzava ya Wanê ji bo aboriya jinan xurt bike û piştgiriya cotkariya herêmî bike serayek vekir. Şaredarî dê şitlên zerzewatan bêpere belavî welatiyan bike û berhemên ji vir derkevin bi erzanî bifiroşe.
* Çalakiya KURDÎGEHê ya “Konên Zimanê Kurdî” ku li Parka Hunerê ya navçeya Rêya Armûşê ya Wanê vedane, di roja 4emîn de berdewam bike. (11:00-17:00)
* Hevseroka Giştî ya DEM Partiyê Tulay Hatîmogullari li Meclîsê dê di komcivîna partiya xwe de biaxive. (12:45)
* Forûma Aştî û Azadiya Civakî ya ku ji aliyê Şaredariya Bajarê Mezin a Amedê ve tê organîzekirin, dê bi tevlibûna Hevserokê Giştî yê DEM Partiyê Tuncer Bakirhan îro li Eywana Alî Emîrî ya Şaredariya Bajarê Mezin a Amedê dest pê dike. Piştî axaftinan jî Koma Ma Musicê dê li Amfî Tiyatroya Sumer Parkê konser li dar bixe. (17:30)
Kirmanckî
* Enstîtuyê Kurdkî ra Suzan Vejan Tatli seba 15 Gulane qisey kerd û vat: “Dewlete bi serran o, her tewir zilm û zordarî, teda û neheqî ziwanê ma ser o kena. Nika no proses aver şêro, hetê ziwanê Kurdkî ra, hetê perwerdeyî bi Kurdkî ra, hetê statu ra ma hevî kenê ke gamî bêrê eştiş.”
