Girtiya siyasî Perîwiş Muslimî ji ber nebûna doxtoran a li Girtîgeha Evîn dest bi grevê kir.
Girtiya siyasî Perîwiş Muslimî ya li Girtîgeha Evîn a paytexta Îran Tehranê tê ragirtin, ji ber nebûna doxtor û rewşa li girîgehê dest bi girevê kir. Hate ragihandin ku rewşa tenduristiya Perîwiş Muslîmî ne baş e û bi gelek nexweşiyan ketiye. Pêwist e Perîwiş Muslimî li derveyî girtîgehê li nexweşxaneyek baş bê dermankirin. Li gel vê rewşê, rejîma Îranê qebûl nake ku girtî biçin nexweşxaneyê û derman bibin. Hêjayî bibîrxistinê ye ku Perîwiş Muslimî di nîsana 2024an de ji aliyê hêzên dewletê ve li bajarê Nur hatibû binçavkirin, piştî 3 rojan hatibû berdan. Piştre li dadgehê bi îdîaya ‘Propagandaya li dijî dewletê, biçûkxistina Xumeynî û Xamineyî, pîlandanîn’ hate sucdarkirin. Piştre di 20ê tebaxa 2024an de ji aliyê dadgeha Şoreşê ve bi sûcê ‘Komkirin û temaşkirinê’ 2 sal hate cezakirin, dîsa bi sucdariya ‘Biçûkxistina Xamineyî’ jî 1 sal û bi sucdarkirina ‘Propagandakirina dewletê’ jî 8 meh hate cezakirin.
