Merkezê xo Îstanbul de çarçewaya operasyonê qirkerdişê sîyasîyî de polîsan eşt xeylê keyeyan ser û endamê EMEP, SYKP, HDK, ESP, DBP, Partîya Çepa Keske û rojnamegerî zî tede 52 kesî destbend kerdî.
Îstanbul de saetanê serê sibayî de xeylê keyeyî ameyî sereştene. Sereştişan de endamê EMEP, SYKP, HDK, ESP, DBP, Partîya Çepa Keske û rojnamegerî zî tede 52 kesî ameyî destbendkerdene.
Serdozgerîya Komare ya Îstanbulî eşkera kerd ke operasyon vera HDP’yî ameyo kerdene û çarçewaya tehqîqatî de 10 bajaran de derheqê 60 kesan de qerarê destbendkerdişî est o, heta nika 52 kesî ameyî destbendkerdene.
Kesê ke ameyî destbendkerdene nameyê înan wina yê: HDK’îj Aynur Cengiz, Melih Kayhan Pala, Esengul Demir; Partîya Çepa Keskij Naci Donmez, EMEP’ij Sema Barbaros, Mustafa Mayda, Mehmet Turp; ESP’îj Semiha Şahin; DBP’îj Atilla Ozdogan, Erkin Barin Goyluler, Haci Aslan; Hemsereka DEM Partî ya Igdiri Alya Akkuş, SYKP’îj Halit Elçi, Mehmet Saltoglu, Ahmet Saymadi, gazeteciler Yildiz Tar, Ercument Akdeniz, Elif Akgul û Ressam Taner Guven, hunermend Pinar Aydinlar.
