Şandeya DEM Partiyê dê sibê biçe Îmraliyê. Şande piştî ji Îmraliyê vegere dê li Stenbolê daxuyaniyê bide çapemeniyê.
Şandeya DEM Partiyê ya Îmraliyê dê sibê (27 Sibat) biçe Girtîgeha Tîpa F a Ewlehiya Bilind a Îmraliyê û bi Rêberê PKKê Abdullah Ocalan re hevdîtinê bike. Vê carê şande dê ji 7 kesan pêk bê. Şande piştî hevdîtinê dê li Stenbolê daxuyaniyê bide çapemeniyê. Di nava şandeyê de dê Ahmet Turk, Tuncer Bakirhan, Tulay Hatimogûllari, Pervîn Buldan, Sirri Sureyya Onder, Cengîz Çîçek û Faîk Ozgur Erol cih digirin. Şandeya DEM Partiyê ya Îmraliyê ji bo ku cara sêyemîn biçin Girava Îmraliyê li gel Rêberê PKKê Abdullah Ocalan hevdîtinê pêk bînin, serî li Wezareta Dadê dabû. Wezareta Dadê serlêdan qebûl kir. Şande pîştî vegere dê li Stenbolê daxuyaniyê bide çapemeniyê. Berê hatibû plankirin ku di 28ê Sibatê de li Enqereyê daxuyaniyê bide. Lê şande piştî di 27ê Sibatê de ji Giravê vegere dê li Stenbolê daxuyaniyê bide.
DEM Partî: Şande dê di 27ê Sibatê de li Stenbolê daxuyaniyê bide
DEM Partiyê jî têkildarî daxuyaniya şandeyê daxuyanî da û wiha got: “Heyeta DEM Partiyê ya Îmraliyê piştî bi Abdullah Ocalan re hevdîtin bike û vegere, dê saet li 17:00an di 27ê Sibatê de li Stenbolê daxuyaniyê bide çapemeniyê. Rojnamegerên ku daxuyaniyê bişopînin divê akredîta wan hebe.
