Derbarê Rêveberê Baroya Stenbolê Firat Epozdemîr ê girtî de bi daxwaza 15 sal cezayê hepsê doz hat vekirin.
Endamê Desteya Rêveberiya Baroya Stenbolê Firat Epozdemîr ku di 23yê Çile de dema ji derveyî welat vedigeriya li Balafirgeha Stenbolê hat binçavkirin û paşê jî ji aliyê Dadgeha Stenbolê ve hat girtin. Lêpirsîna derbarê Epozdemîr de bi dawî bû. Serdozgeriya Komarê ya Stenbolê bi îdiaya “endamê rêxistinê ye” û “propagandaya rêxistinê kiriye” îdianame amade kir. Di îdianameyê de derbarê Epozdemîr de ji 7 sal û 6 mehan heta 15 salan cezayê hepsê tê xwestin.
Di îdianameya derbarê Epozdemîr de ku nêzî 3 meh in girtî ye, wiha tê gotin: “Agahiyên derbarê gumanbar de hatine bidestxistin û veguheriye rapora lêpirsînê, nîşan dide ku Kongreya Demokratîk a Gelan (HDK) ku piştî gotinên gumanbar ku bi komên siyasî yên çepgir re dikare li gorî talîmatên Abdullah Ocalan tifaqê ava bike, li navçeya Bagcilarê serokê HDKê bû û armanc dike ku hêza siyasî û potansiyela girseyî ya rêxistinên çepgir û komên marjînal ên li rojavayê Tirkiyeyê ji bo rêxistinê bi kar bîne.”
27emîn Dadgeha Cezayê Giran a Stenbolê ku îdianame jê re hatiye şandin, piştî lêkolînên pêwîst wê karibe biryarê bide ka îdianame qebûl bike yan jî îade bike.
