Berdevkê Dayîkên Aştiyê ya Amedê Havva Kiran di daxuyaniya bîranîna Sirri Sureyya Onder de axivî û diyar kir ku heta aştî pêk bê dê tebikoşin.
Endamê Şandeya Îmraliyê ya DEM Partiyê û Parlementerê DEM Partiyê ya Stenbolê Sirri Sûreya Onder 15ê Nîsanê li Stenbolê krîza dil derbas kirib. Piştre rakirin nexweşxaneyê. Pişti 18 rojan li nexweşxaneyê di 3ê Gulanê de jiyana xwe ji dest da. Rêxistina DEM Partiyê û saziyên civakî û demokratîk li gelek navendan daxuyanî dan û şîn danîn. Dayikên Aştiyê yên Amedê jî li pêş avahiya xwe ya Yenîşehîra Amedê daxuyanî dan çapemeniyê û Sirri Sûreya Onder bibîr anîn. Berdevkê Meclisa Dayîkên Aştiyê ya Amedê Havva Kiran axivî û wiha got: “Sirri Sûreyya Onder ji bo gelê Kurd gelek berdelên giran da. Em tu carî Sirri Sûreyya Onder ji bîr nakin. Em êşa li tevahiya gelê Kurd hîs dikin. Hevalê Sirri Sûreya Onder ji bo aştiyê têdikoşiya. Hezar car spas ji bo keda te. Dema ku aştî hat em ê werin li ser gora te û em ê bibejin aşti hat keda te wala ne çû. Em hêvîdarin ku wê aştî bê vî welatî. Gelê Kurd dê tu carî ji bîrnake. Cihê te bihuşt bî.”
