Bi pêşengtiya MEBYA-DERê ya Amedê malbatên ku zarokên wan di şer de jiyana xwe ji dest dane, çûn ser goristanan û gorên zarokên xwe ziyaret kirin. Malbatan li ser gorên zarokên xwe cejna zarokên xwe pîroz kirin.
Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER) û malbatên ku zarokên wan di şer de jiyana xwe ji dest dane, bi minasebeta Cejna Kurbanê bi girseyî çûn li ser şehîdgeh ên li gundê Çemê Elîkan û Goristana Gundê Sîsê yên li navçeya Licê û Goristana Pîrejman a li navçeya Pîranê” kirin. Dayîkan li ser goran dua û fatîha xwendin. Malbatan bi wesîleya cejnê şekir belav kirin.
Li goristana Pîrejmanê Hevseroka MEBYA-DERê Semra Akkoç axivî. Semra Akkoç diyar kir ku îro ji bo cejna şehîdan pîroz bikin li vir in û got: “Em li vir soz didin ku pişt şopa şehîdan dê bimeşin. Û di serî de em cejna birêz Abdullah Ocalalan û lehengên têdikoşin pîroz dikim.”
Li navçeya Lîceyê jî leşkeran bi hinceta qedexe ye, bi saetan malbat li pêş deriyê goristana dan sekinandin. Piştî malbatan bertek nîşan da ketin goristanê. Leşleran li vir mudaxameyî daxuyaniyê kir. Dayîkan diyar kirin ku ew di nav pêvajoyê de ne û xwest leşker hurmetê nîşanî gor û goristanê bidin.
