Platforma Şiyar Be Ya Têkoşîna Li Dijî Hişbirê dê di 12ê Hezîranê (sibê) de li dijî berbelavbûna madeyên hişbir ji Qada Şêx Seîd a Amedê belavokan belav bike.
Platforma Şiyar Be Ya Têkoşîna Li Dijî Hişbirê dê di 12ê Hezîranê (sibê) de li dijî berbelavbûna madeyên hişbir bi şiyara “Li dijî hişbirê bêdeng nemîne” belavokan belavbike. Platform dê bi belavokan banga hestiyarî û têkoşîna li dij hişbirê li welatiyan bike.
‘Em li ber hişbirê rabin’
Di belavokê de ev yek hate gotin: “Em ê sibê saet di 17:00an de li Qada Şêx Seîd belavokên xwe belavbikin û li hember xeteriya madeyên hişbirê bi hev re dengê xwe bilind bikin. Li dijî vê pergala ku civaka me dirizîne, ji bo ku em tax, zarok û pêşeroja xwe biparêzin em bang dikin ku hemû gelê me û rêxistinên demokratîk piştgiriyê bidin vê têkoşînê. Li dijî hişbirê têkoşîn parastina jiyanê ye! Em bi hev re bimeşin, bi hev re biguherinîn!”
