Naif Îşçî yê ku 14 sal in di girtîgehê de ye, piştî 5 caran berdana wî taloq kirin serbest berdan.
Naif Îşçî, ku di Îlona 2010an de li navçeya Cîzirê ya Şirnexê hatibû girtin û di lîsteya girtiyên nexweş ên Komeleya Mafên Mirovan (ÎHD) de bû, ji Girtîgeha Girtî ya tîpa T ya Amedê serbest hat berdan. Berdana Naîf Îşçî ji aliyê desteya girtîgehê ve 5 caran hatibû paşxistin. Naîf Îşçî piştî berdawa wî 5 caran hat taloqkirin ew serbest berdan.
Çi bûbû?
Naif Îşçî ê 28 salî di doza ku bi sûcên “Bêyî ku endamê rêxistinê be li ser navê rêxistinê sûc kiriye”, “propagandaya rêxistinê kiriye”, “Li dijî zagonên meş û xwepêşandanê tev geriya ye” dihat darizandin, 24 sal cezayê girtîgehê lê hat birîn. Pişt re Dadgeha Bilind ji ber “temenê biçûk” cezayê lê hatibû birîn betal kir. Li ser vê yekê Dadgeha Herêmî ji nû ve darizand û 16 sal ceza lê birî. Naîf Îşçî ku cezayê xwe temam kiribû, di 27ê Îlona 2023an de şertên berdana şertî temam kiribûn. Lê, Girtîgeha Tîpa T ya Ahlatê, ku wê demê lê dihat girtin, berdana wî bi hinceta “poşman nebûye” 4 caran ji bo her yekê 3 mehan paşxist. Herî dawî jî Girtîgeha Amedê ku wê demê li wir dihat girtin berdana wî paşxist.
