Serokwezîrê Îsraîlê Binyamin Netanyahu daxuyanî da û diyar kir ku ji 13ê Hezîranê heta niha di êrîşên Îranê yên li ser Îsraîlê de 13 kesan jiyana xwe ji dest dane.
Îsraîlê di 13ê Hezîranê de bi fuzeyan êrîşî Îranê kir. Li gorî Ajansa Nûçeyan a Farsê di êrîşên Îsralê yên li dijî herêmên cuda ên Îranê de roja ewil 78 kes mirin û 329 kes birîndar bûn. Li gorî Reutersê jî di êrîşên Îsraîlê yên li dijî Îranê de Fermandarê Hêzên Hewayî-Feza a Pasdarên Şoreşê Emî Alî Hacizade jî di nav de herî kêm 20 fermandarên Îranî yên payebilind hatin kuştin.
Piştî Îsraîlê, Îranê jî bersîv da êrîşan. Îranê jî êrîşî Îsraîlê kir. Serokwezîrê Îsraîlê Binyamin Netanyahu diyar kir ku di êrîşên Îranê de ku weke bersiva li hemberî êrîşên e, heta niha 3 jê zarok 13 kesan jiyana xwe ji dest dan, 9 kes bi giranî, 30 kes di asteke navîn de û 341 kes jî bi sivikî birîndar bûne.
Li aliyê din, artêşa Îsraîlê hişyariya veguhestinê da Îraniyan ên li nêzî ‘Febrîqeyên çekan’ dimînin. Di daxuyaniya hesabê Farsî yê artêşa Îsraîlê de wiha hate gotin: “Hişyariya lezgîn ji bo hemû welatiyên Îranê: Hemû kesên li nêzî febrîqeyên çekan an jî saziyên ser bi van ve ne, yanî yên ku di demeke nêz de biçin van deveran, divê tavilê avahiyên ku lê ne vala bikin û vegerin.”
