Amed – Xelkê Zozanê Hesendînê li dijî kanên madanê dest bi çalakiya nobedê kirin û zozanê xwe diparêzin.
Xwezeya Kurdistanê bi destê şîrketên ku li madenê digerin tê talankirin. Li gelek herêmên bakurê Kurdistanê dar û devî ji bo madenan tê talankirin. Gelêk herêm ji bo madenan hatine wêrankirin û dar tên birîn. Niha jî di hedefa talankeran de Zozanê Hesendînê ya li Pasûrê heye. Di sala 2008an de Şîrketa Anonîm a Bazirganiya Derve û Kanzakariyê ya Pasûrê ji bo lêgerina kanzayan bi awayekî bêrêtî rapora”ÇEDê ne pêwîst e” wergirt. Lê di nava 5 salan de tu lêgerîn dest pê nekir û rapora wan li gorî qanûnan hat betalkirin. Lê tevî ku proje hat betalkirin û sekinandin jî şîrketê dest bi lêgerîna madenê kir.
Xelkê li Zozanê Hesendînê li dijî madenê dest bi çalakiya nobedê kir. Bi sedan welatî kon vedan û li dijî şîrketa madenê li zozanan nobedê digirin. Di çalakiya nobedê ya roja yekemîn de Hevşaredarê Pasûrê Murat Îpek, parezerên endamên Baroya Amedê û gelek welatî tev li nobetê bûn. Welatî li vir bi şev û rojê nobedê digirin. Tevî hewa germ û bi şev bayê zêde tê jî xelk nobedê digire.
Parêzeran li ser pêvajoya hiqûqî ya projeyê agahî dan gundiyan. Gundiyan jî diyar kirin ku heta dawiyê dê çalakiya xwe bidomînin.
