Gerînendetiya Polîtîkayên Jinan a Şaredariya Peyasê, ji bo çareseriya pirsgirên civakî, ji tebaxa 2024an heta niha Atolyeyên Zayendî yên Civakî li dar dixe.
DEM Partiyê piştî şaredarî ji deste qeyûman girtin, ji nûve dest bi xebatên xizmeta civakî kirin. Şaredariya Peyasê jî piştî ket destê DEM Partiyê, Gerînendetiya Polîtîkayên Jinan a Şaredariyê dest bi xizmetên xweser kirin. Yek ji van xizmetan jî li darxistina Atolyeyên Zayendî yên Civakî ne. Gerînendeya Polîtîkayên Jinan a Şaredariya Peyasê jî di texaba 2024an de dest bi atolyeyên xweser kir. Heya niha di aliyê şaredariyê de 50 atolye hatin darxistin û 6 hezar jin tevlî atolyeyan bûn. Di van atolyeyan de li pirsgirêk û pêşniyarên jinan guhdar dikin û bi hevre li çareseriyê digerin.
Endama Sazîya Polîtîkayên Jinan û civaknas Dîlek Erîk têkildarî xebatên atolyeyan ji Ajansa Welat re axivî. Dîlek Erîk anî ziman ku armanca gerînendetiyê pirsgirêkên jinan û tundiya li dijî jinan piralî çareser bikin û ji bo vê yekê têbikoşin û wiha got: “Em bi van atolyeyan armanc dikin ku aborîya jinan xurt bikin û civakeke azadîxwas perverde bikin. Ev projeyên civakî li ser sê yekîneyên rêxistinî têne kirin. Em bi van atolyeyan armanc dikin ku hişmendiya jinan li ser mijarên civakî zêde bikin û piştgiriyê bidin têkoşîna wekheviya zayendî.”
Dîlek Erîk li ser yekîneyên ku ava kirine jî agahî dan û ev tişt got: “Me sê yekine ava kirine. Em bi Yekîneya Têkoşîna li dijî tundîya li ser jinan, Yekîneya xurtkirina aboriya jinan û Yekîneya perwerde, lêkolîn û pêşxistina civakî xizmetê didin jinan. “
Dîlek Erîk der barê xebatê de axaftina xwe wiha berdewam kir: “Em li dijî pirsgirêkên jina xebatên xwe dimeşînin. Me ji bo karmendên şaredarîyê gelek perwerdeyên wekî atolyeyên zayendî, ragihandina bê tundî, alîkarîya derûnî ya yekemîn, parastina zarokan, tendurîstiya jinan, ragihandina biewle di pêvajoyê travmayê li dar xistin. Di van atolyeyan de em li ser xebatên lêkolîn, analiz, xebatên agahdarkirinê, rolên zayendî û paradîgmaya azadiya jinan, ekolojîk û atolyeyên ragihandinê yên bê tundiyê rawestiyan. Ev xebat niha jî didomin.”
Dîlek Erîk di dawîya axaftina xwe de wiha got: “Me ji bo jinan xebatên xweparastinê, perwerdeya li ser zayend û cureyên tundiyê, agahdarkirina tendurîstiyê pêk anî û ji bo zarokan jî gelek perwerdeyên li ser bedenê, tirsa ezmûnê, hişyarbûna li ser tundiya dijital kirin.
