Li Bismilê bi pêşengiya MEBYA-DERê bi girseyî serdana şîna endamê HGPê Rûbar Kanî (Ruzgar Ekinci) hate kirin.
Ji bo endamê HPGê Rûbar Kanî (Ruzgar Ekinci) ku di 13ê gulana 2017an de li Zapê jiyana xwe dest
dabû bi pêşengiya Komeleya Çand, Piştevanî û Alîkariyê ya Malbatên Xizmên Xwe li Dêrgûşa
Şaristaniyê Winda Kirine (MEBYA-DER) a Amedê li mala şînê ya navçeya Bismilê ya Amedê bi girseyî
serdana şînê hate kirin.
Hevseroka Partiya Wekhevî û Demokrasiyê ya Gelan (DEM Partî) a Amedê Gulşen Ozer, rêveberên Partiya Herêmên Demokratîk (DBP) a navçeyê, endamên Komeleya 78an, Komeleya Dayîkên Aştiyê, TUAY-DER û gelek kes tevli şînê bûn. Beriya ku dest bi axaftinê bê kirin ji bo kesên di têkoşîna azadiyê de jiyana xwe ji dest dane deqeyek rêz hat girtin. Piştî rêzgirtinê dirûşmeya “Şehîd namirin” hate berzkirin.
Hevserokê MEBYA-DERê Ramazan Dengîz di şînê de axivî û got: “Di şexsê hevalê Ruzgar de
em minetdarên hemû şehîdên Kurdistanê ne û em bejna xwe li ber wan ditewînin. Çiqas jî em
minetdarên wan bin kêm e. Em ne bawerin ji xeynî van ciwanan di cîhanê mirovên wisa leheng
derketine. Van lehengan bi têkoşîneke mezin xwe xistine rojeva cîhanê. Em Kurd bi şans in ku em
xwedî rêxistin, serok û vîneke wisa nin. Di van demên dawî de pir şehîdên me tên. Xwedî li derketina
van şînan gelekî girîng e. Divê em bi hemû saziyên xwe beşdarî şînên şehîdan bibin. Xwedîderketina li şînan xwedîderketina pêvajoyê ye.”
