Roja yekem a “Konferansa Aştî û Civaka Demokratîk a Navneteweyî” ku ji aliyê DEM Partiyê ve hat li darxistin bidawî bû. Konferans sibê jî dê bi axaftin û nîqaşên li ser aştiyê berdewam bike.
Roja yekem a “Konferansa Aştî û Civaka Demokratîk a Navneteweyî” ya ku ji aliyê Partiya Wekhevî û Demokrasiyê ya Gelan (DEM Partî), li Navenda Çandê ya Cem Karaca ya li Bakirkoya Stenbolê tê lidarxistin, bi panela “Ezmûnên di çareseriyê de şer” ve bi dawî bû.
Moderatoriya panelê Siysetmedar Gulten Kişanak kir û ji Efrîkaya Başur Serokê Komîteya Qanûna Bingehîn ya Parlamentoyê Mohamed Bhabha li ser mijara “Di avakirina hiqûqa aştiyê de rola rêbertiyê” axivî û nirxandin kirin. Ji Serokê Netewî yê Sinn Feînê parlamenter Declan Kearney jî li ser mijara “Serpehatiya pêvajoya aştiyê ya Îrlandayê” rawestiya û Serokê berê yê Katalonyayê Pere Aragonès i Garcia jî mijara “Muzkereya Katalonya û Îspanyayê:Ji pêvçûnên asîmetrik dersgirtin” nirxand. Endamê parlamentoya Baskê Igor Zulaika jî li ser Serpêhatiya Baskê axivî. Siyasetmedar Azîme Işik jî li ser “Li girtîgehan aştiya civakî; Ji bo guherandina rejîma girtîgehan rêyeke çawa divê?” nirxandin kir. Xwediyê Xeleta Nobelê û aktivîstê Amerîkî Jodey Willims jî li ser mijara “Ji rizgarbûna mîlîtarîzmê û ji holê rakirina bandora şer” rawestiya.
Konferans sibê jî dê bi axaftinan û nîqaşên berdewam bike.
Roja 2yemîn a konferansê – 7ê Kanûnê
Rûniştina 3yemîn: Ji Netew-Dewletê ber bi Netewa Demokratîk ve – 10:00 – 12:45
Moderator: Ebru Gunay (Cîgira Hevserokên Giştî yên DEM Partiyê)
Axaftvanê beriya rûniştinê: Dilşad Şehab (Herêma Kurdistanê, Berdevkê Serokatiya Herêmê)
* Peymanek Civakî ya Nû Ber bi Hemwelatiya Qanûna Bingehîn ve û Nasîna Nasnameyê – Dr. Orhan Gazî Ertekîn – (Hiqûqzan-nivîskar)
* Girîngiya Tecrûbeyên Dîrokî yên di Avakirina Netewa Demokratîk de – Prof. Mohamed Refat – (Profesorê Dîroka Modern û Hemdem, dekanê berê, fakulteya wêjeyê ya Zanîngeha Damanhour – Misir)
* Berxwedana Têkiliyên Hegomonîk û Hêzdarkirina Li Dijî Navendîbûna Demokrasiya Xwecihî – Prof. Norman Paech – (Akademîsyen, parêzer û siyasetmedar – Almanya)
* Piştevaniya Navneteweyî ya Avakirina Aştiyê û Domandina Bêşer – Georges Dallemagne – (Parlamenter – Belçîka)
* Azadiya Çapemeniyê, Heqîqet û Zimanê Aştiyê – Nadîre Mater – (Rojnameger-nivîskar)
Pirs û Bersiv
Navbera nîvro – 12:45 – 14:00
Rûniştina 4emîn: Perspektîfên Azadiyê, Aştî û Siberojê – 14:00 – 16:15
* Moderator: Eren Keskîn – Aktîvîsta mafên mirovan û Rêvebera ÎHDê
* Veguherandina Têkoşîna Karkeran a Navneteweyî Ber Bi Herêmî û Kurewî ve – Arnljot Ask – (Ji Partiya Sor a Norveçê)
* “Ronahiyek ku di nav tariyê de dibiriqe” – John Holloway – (Parêzer, civaknas, fîlozof – Meksîka)
* Nêrîn û têgihiştina Ewrapyê ya li ser pirsgirêka Kurd – Laura Boldrini – (Seroka Komîteya Mafên Mirovan a Parlamentoya Îtalyayê)
* Manîfestoya Ocalan: Perspektîfa Aştî û Civaka Demokratîk – Haydar Ergul – (Edîtor ji Kovara Demokratîk Modernîteyê)
* Xwediya Xelata Nobelê Şîrin Ebadî – peyama bi vîdeo
Pirs û Bersiv
Foruma Girtinê: Danezana Aştiyê ya Hevpar – 16:30 – 17:30 (Eşkerekirina encamnameya konferansê)
