* Ji beşdarên Konferansa Navneteweyî Yaser Edesa diyar kir ku azadiya Rêberê Gelê Kurd Abdullah Ocalan di heman demê de azadiya gelê Kurd e. Aktivîsta TJAyê Çîmen Fîdan jî got ku jin dê pêşengiya pêvajoyê bikin. Nivîskar Luqman Ergun got ku Kurd êdî cilên li wan hatibûn kiribûn qebûl nakin û daxwaza mafên xwe dikin.
* Welatiyên ku rewşa zêdebûna madeyên hişbir nirxandin, gotin: “Dema welatê me bindest be helbet nahêlin xortên me, li xwe xwedî derkevin. Malbat nikarin, lê partî dikare cîwanan qanih bike.
* Kurdolog, koreograf û mamosteya govendê ya Rûsî Tatîana Odîntsova bal kişand ser girîngiya govendê û got: “Govend lîstikeke teatral û mûzîkî ye û behsa dîrokekê dike.”
* Endamên Kooperatîfa Hilberîn û Kargeriya Jinan Rawesta yê diyar kirin ku armanca vekirina Kooperatifê ya sereke di aliyê aborî de alikariya girtiya bikin.
*Rojnameger Eyup Burç diyar kir ku divê pêvajo ji niha şûn ve li ser esasê çêkirina yasayên demokratîk were birêvebirin. Rojnameger Ferîd Demîrel jî got divê azadiya zimanê Kurdî mîsoger bibe û medyaya Tirkiyeyê dev ji zimanê xwe yê şerxwaz berde.
* Konferansa Aştî û Civaka Demokratîk ku di 6ê kanûnê de li Stenbolê dest pê kir, îro dê di roja duyemîn de berdewam bike. (10,00-17.00)
* Festîvala Fîlman a Amedê ya 3yemîn ku bi mazûvaniya Şaredariya Bajarê Mezin a Amedê û bi organîzasyona Komeleya Akademiya Sînemayê ya Rojhilata Navîn û Sînebîrê bi dirûşma “Dinya bi çîrokan tê ba hev” tê lidarxistin dê îro li Çand Amedê bi konsera Alî Akbar Moradî dest pê bike. (18.00)
