Şaredariya Bajarê Mezin a Amedê hunermenda Kurd Ayşe Şan di 29emîn salvegera mirina wê de bi bîr anî û bi lîstika “Ez Ayşe Şan” ku ji aliyê lîstikvan Berfîn Zenderlîoglû ve hatibû amadekirin hat lîstin.
Şaredariya Bajarê Mezin a Amedê hunermenda Kurd Ayşe Şan, di 29emîn salvegera mirinawê de wê bi bîr anî û lîstikvan Berfîn Zenderlîoglu lîstika “Ez Ayşe Şan” jiyana Ayşe Şan, li eywana çandê ya şaredariyê lîst. Hevşaredara Bajarê Mezin Serra Bucak, endamên meclisa şaredariyên navend û navçeyan, lîstikvanên Koma Hinek Henek, Komeleya Hiqûqnasên Ji Bo Azadiyê (OHD), Komeleya Lêkolînên Çand û Ziman a Mezopotamyayê (MED-DER), malbata Ayşe Şan û gelek nûnerên saziyên sivaka sivîl tev li bîranînê bûn. Herwiha dîwarên eywanê bi wêneyên Ayşe Şan, bi qurnefîl û bi findan hatibû xemilandin.
‘Em wê bi hezkirin û bi rêzdarî bi bîr tînin’
Hevşaredara Bajarê Mezin Serra Bucak di bîranîna hunermend Ayşe Şan de axivî got: “Taybetmendiya îro gelek e û girîng e. Ev eywan bi tayînkirina qeyiman hatibû tarûmarkirin. Lê hê jî em hewl didin ku kiryaren qeyiman paqij bikin. Lê me avakirina vê eywanê bi dawî kir û îro jî bû nisîbê lîstika bîranîna Ayşe Şan. Dîsa em wê bi hezkirin û rêzdarî bi bîr tînin”
‘Divê em li hunermendên xwe bibin xwedî’
Lîstikvan Berfîn Zenderlîoglû ku lîstîka jiyana Ayşe Şan lîst got: “Ji ber vê lîstikê ez gelek spasiyên xwe ji Zeynebê re dişînim. Ez îro jî bi lîstika Ayşe Şan gelek kêfxweş im. Ayşe Şan ji bo min gelek bi qîmet e. Divê em xwedî li hunermendên xwe derkevin.”
Piştî bername bi dawî hat gotin wê sibê jî bernameya bîranînê bê lidarxistin û wê biçin ser gora Ayşe Şan û piştre jî dê êvarê bi konserekî bi dawî bikin.
