Gel bi girseyî çû şîna Endamê HPGê Lokman Gazyak (Gelhat Cûdî) û sersaxî ji malbatê xwestin.
Li taxa Banê Xanê ya navçeya Cizîrê ya Şirnexê ji bo Endamê HPGê Lokman Gazyak (Gelhat Cûdî) ku di 27ê Kanûna 2021an li Garê jiyana xwe ji dest dabû şîn hat danîn. MEBYA-DERê ya Şirnex, bi tevilbûna parlementerên DEM Partiyê yên Şirnex Newroz Ûysal Aslan, Mehmet Zekî Îrmez, endam û rêveberên partiyên siyasî, saziyên civaka demokratîk û gelek welatiyan serdana şînê kirin. Di serdana şînê de destpêkê ji bo cangoriyên azadiyê rêz hat girtin, piştî rêzhîgirtinê Hevserokê MEBYA-DERê ya Şirnex Ramazan Togûrlû sersaxî ji bo malbatê û gelê Kurd xwest. Ramazan Togûrlû diyar kir ku heya xeyalên cangoriyan pêk were têkoşîna wan ê berdewam bike.
Piştî Ramazan Togûrlû, parlementer Newroz Ûysal Aslan diyar kir ku bi saya cangoriyên azadiyê îro ew gihiştine astekî û wiha axivî: “Em sersaxiyê ji malbatê û hemû gelê Kurd re dixwazin. Îro ger em hatibin merheleyekî bi saya Şehîd Lokman û hevalên wî ne. Em ê tokoşîna xwe ji bo êdî tu kes jiyana xwe ji dest nede bikin.”
Piştî axaftina Newroz Ûysal Aslan malbatê jî got ku serê hemû gelê Kurd û serê Rêberê Gelê Kurd Abdûllah Ocalan saxbe.
Serdana şînê bi xwedina duayan bi dawî bû.
