HSDê têkildarî parvekirina agahiyên şaş ji hêla ˋWezareta Parastinêˊ ya hikûmeta demkî ve û kişandina herêmê ber bi rageşiyê ve hişyarî da.
Navenda Ragihandina Hêzên Sûriya Demokratîk (HSD) bi daxuyaniyekê hişyarî li ser parvekirina agahiyên şaş ji hêla ˋWezareta Parastinêˊ ya hikûmeta demkî ve û kişandina herêmê ber bi rageşiyê ve da.
HSDê di daxuyaniya xwe de ev agahî dan: “Hêzên me daxuyaniyên berovajî yên ji ˋWezareta Parastinêˊ ya hikûmeta Şamê der barê rewşa meydanî ya li derdora Meskenê û Dêr Hafirê tên dayîn dişopînin. Em diyar dikin ku tu tevger an jî sewqiyetên leşkerî yên hêzên me li wan herêmên navborî nîn in û tevahî îdiayên hatine gotin bê bingeh in.
Lê di bingeh de tevgerên meydanî yên komên hikûmeta Şamê bi xwe hene.
Dubarebûna van îdiayan ji hêlaˋWezareta Parastinêˊ hewldana derxistina nakokiyê û zemîna hincetên rageşiyê çêdikin. Em van aliyên li pişt van îdiayan berpirsiyariya tevahî rageşiyên gengez dibînin.
Em hişyariyê ji berdewama vê metoda tehrîdkirinê didin û diyar dikin ku em pabendî hilbijêra agirbestê ne û mafê me yê rewa heye ku parastina herêm û sivîlan bikin.”
