Parlamenterê DEM Partiyê Vezîr Parlak, binçavkirina nûçegihanê ajansa me Nedîm Oruç ji Wezaretê Dadê pirsî.
Nûçegihanê ajansa me Nedîm Orûç di 14ê Çileyê de li navçeya Cizîrê ya Şirnexê dema çalakiya ji bo êrişên li dijî Rojava dişopand ji aliyê polîsan ve bi lêdanê hat binçavkirin. Binçavkirina Nedîm Orûç hate dirêjkirin û hê jî li Midûriyeta Polîsan a Şirnexê tê ragirtin. Nerazîbûna li dijî binçavkirina nûçegihanê me didome.
Parlmaneterê Partiya Wekhevî û Demokrasiyê ya Gelan (DEM Partî) Vezîr Parlak binçavkirina nûçegihanê ajansa me ji Wezaretê Dadê pirsî.
Vezîr Parlak ji bo ku Wezareta Dadê bersiv bide 3 pirs kirin.
Vezîr Parlak ev pirs ji Wezaretê Dadê kirin:
* Nedîm Oruç ku ji bo nûçeyê bişopînê li wir bû, bi çi hincetê hat binçavkirin? Hincet çi ye?
* Derbarê polîsên ku Nedîm Oruç bi lêdanê binçavkirin de tu lêpirsîn hat destpêkirin an na? Heke hatibe destpêkirin niha di çi rewşê de ye? Heke nehatibe destpêkirin çima nehatiyê destpêkirin?
* Di van 5 salên dawî de çend rojnameger li ser karê xwe hatine binçavkirin, hejmara wan çiqas e? Ji rojnamegerên hatine binçavkirin çend kes hatine girtin?”
